Shillong, Nailur 28: Mynta ka sngi ka “High Level Committee” kaba la khlieh da u Sumbut Myntri Rangbah ka jylla u bah Prestone Tynsong halor ka Harijan Colony mynta ka sngi kala aiti ia ka kaiphot sha u Myntri Rangbah ka jylla u Conrad K Sangma.
U Symbut myntri rangbah ka jylla u bah Prestone Tynsong, u la ong ba kum u shongknor ka HLC u dang shu ai ia ka kaiphot sha ka sorkar, halor kane ka sorkar kan shong ban ia kren bniah bad ka kabinet kan sa shong ban bishar bniah ha dien kata ynsa pynshai paidbah halor ka kaiphot.
U bah Prestone u la ong ba kum u shongknor u la ai ia ka kaiphot sha ka sorkar sorkar, mynta ka shnong ha ka sorkar ba kan pule bniah bad ha dien ka don kin sa rah sha ka kabinet ban ia kren, u bah prestone u la ong ba u kwah ban ioh ba kan don ka jingiakren kaba kham kloi halor kane ka kaiphot ka HLC.
Halor ka jingiakhih paidbah ha kaba ia dei bad ka Them Motor ia kaba ka sorkar kala ithuh kum ka Harijan Colony kaba la jia ha u snem 2018, halor kane ka jingjia ka sorkar kala thung ia ka “High Level Committee” kaba la khlieh da u Symbut Myntri Rangbah ka jylla u bah Prestone Tynsong.
Ka jingthaw kane ka sorkar ia kane ka HLC ka long ba kane ka kommittee kan peit bniah bad bishar bha ia ki kot ki sla ha kaba ia dei bad katei ka jaka kaba don ha Them Iew Mawlong ha kaba ia dei bad katei ka jaka.
Ka HLC hapoh ka jinglong shongknor jong u symbut myntri rangbah ka jylla u bah Prestone Tynsong kala ia shong bun bun sien ha kine ki ar snem shiteng tam ban ia mir jingmut bad ia kren bniah halor katei ka jaka, ia kaba mynta ka sngi la ai ia ka kaiphot sha u mytnri rangbah ka jylla u Cornad K Sangma.
Lah ban pynkynmaw ba ha u bnai jylliew jong u snem 2018 kala mih ka jingiakynad halor ka jingjia ha katei ka jaka bad kane kala wan wah ia ka jingiaklumar kaba la neh jan shitaiew ei ei haduh ba ka sorkar ka salah ban pynjem ia kane ka jingiakhih.
