Jowai, Jylliew 8: Ka NEEPCO hapoh ka jingialam u Senior Manager (HR) ka Kupli Hydro Electric Project (KHEP) u R. Changakoti, ki Engineer bad kiwei kiwei ki la aiti daka jingthoh iaka Madan Phutbol kaba don ha Dong Mooblang sha ka Shnong Iooksi.
Hakane ka jingaiti la iadon lang ruh ki nongkit kam Shnong ,kyntup ia u rangbah shnong u bah C . Tangliang,,u Secretary Shnong bah H. Pachiang ki dkhot ka KSU Iooksi Unit bad kiwei kiwei.
Ia kane ka madan la shna daka NEEPCO,Ia ka bynta kaba nyngkong ha ka jinglut kaba la kot sha ka T. 4,96,058 Tyngka. Ka jingshna naka bynta ka phase 1 ka long ban pynheh iaka madan, ban shna iaki nala um baroh sawdong ka madan , ban shna iaki jaka Shong bad kiwei kiwei.
Ha Kane hi kajuh ka sngi, naka Liang ki heh ka NEEPCO hapoh ka jingialam u Engineer u Mr KC Kolita, ki la thew la woh iaka madan naka bynta ban sdang biang iaka phase 2 kata ban Kynroh daki maw iaka madan, ban shna pynbha daka khyndew Bilat iaki jaka Shong Paidbah nongpeit kai ( gallery) bad iaki nala um, nangta ban shna ruh iaka rynsan ban Shong ki nongshah Khot Sñgewbha bad kiwei kiwei.
Haka juh ka por ki heh ka NEEPCO ki la leit jngoh ruh iaki skul, ki umbam ki umdih bad Ki la kular ruh ban pynioh iaki skul building , ki painkhana bad Ki umbam ki umdih iaka Shnong Iooksi baroh kawei.
Naka Liang ki heh ka NEEPCO ki la kular iaki Nongialam ka seng ba iaka phase 2 yn sdang noh shen haki bnai ban wan hi.
Lah ban pynkynmaw iakane ka Madan Phutbol hakane ka Shnong la ialeh shitom ban leit pan naka NEEPCO daka KSU Iooksi Unit bad ka jingdawa ka Seng ka la urlong shisha.
Kumta naka Liang ka KSU kala ai khublei kyrpang iaka NEEPCO iaka jingshimkhia jong ka ban pynioh iaki jingdawa ka Seng bad naka Liang ka seng ka khmihlynti ba lyngba ka jingdon ka NEEPCO ka Shnong kan sa kiew shaphrang ha baroh ki Liang.
