Ba duna ki samla khasi ba pass IAS, IPS, IFS kyntu ka HYC, ki balang ban seng jaka ai jinghikai

Shillong, Jymmang 2: Ka jingduna ban pass iaki civil service exams Kum ki IAS, IPS , IFS bad ki wei ki civil service exam ba pynlong ka UPSC da ki Khun Hynniewtrep ka long kaei kaei kaba buh jingma ia ka Jaidbynriew bad ka Jylla.

Ka HYC ka kynnoh ba ki heh ophisar ki ialam bakla kat ba mon ia ki Minister bad MLA kiba duna ha ka jingnang ka jingtip. Ki don ki Minister bad MLA ba biang ruh Kim lap pule kot shuh namar ki bun Kam bad ki paidbah.

Ban ap Khmih ia ka sorkar ba pynbiang ki ja ka aisa jinghikai naka bynta ki samla Jong ka jaitbynriew ban kin ioh ban pyntbit bad pynkhreh na ka bynta ki examin Jong ka UPSC Kan ym poi shaei shaei namar kiba bun hi ki jingdawa ki shu kut tang ha ka jingkular khlem ki jingseisoh.

Ki skul bad college kiba biang hapoh ka jylla ruh kumba ki lap kim dei Jong ka sorkar hynrei dei Jong ki Balang ne Niam ne Jong ki shnong ne Jong ki riewshimet, ki skul bad ki college ba la pyniaid daka Sorkar ruh la lap ia shibun bah ki jingduna bad ki jingdkhot treikam ha kiba bun bah ki Liang kaba pynduh mynsiem shibun eh iaki Khynnah pule ka jylla.

kum ka Seng ka sngew ban kyrpad noh ia ki Balang ne ki Niam bad ki shnong ba kham heh ba kin plie noh laki Jong ki jaka aisa jinghikai  ba biang khang ba ki samla  kin ioh iaki jinghikia ba paka ban pynkhreh ha kaban iakhun ne pass iaki UPSC exams bapher bapher.

Kaba ar, Kum ka Seng ki sngew ban dawa scholarship noh na ka sorkar ia ki samla trai jylla kiba thrang ban leit pyntbit ha ki coaching centre bapher bapher na ka bynta ki UPSC exams namar haduh mynta mynne dei tang ki samla kiba wan naki longiing kiba bit kiba biang ha ka jingioh Jongkot,ki ioh ka lad ban leit pyntbit ialade ha ki jaka hikai ba kham paw.

Hynrei ki samla kiba wan naki long iing ba duna ha ka ioh ka kot,wat Lada ki thrang shisha ban leit iakhun ia ki Civil service exams Kim kot Bor satia namar ba khanglad ka jingduk bad kane hi Kan pynduh mynsiem shibun eh iaki samla ka jylla. Kiba don ka mynsiem ban trei shitom ha ki jingpule Lada ym don ka jingiarap naka Sorkar.

Ha kajuh ka por ka Seng ka sngewruh ban ai jingmut Sha ka Education Dept ban frame Noh daka NCERT syllabus na ki bynta ki khynnah MBOSE naduh ka class 7 haduh class 12, khlem da ktah pat iaka MIL.Namar kane ruh Kan iarap shibun iaki khynnah pule ban pynkhreh Lada kiba don jingthmu ban iakhun iaki competitive exams bapher bapher Kum ka JEE, IIT, NIT, NEET bad kumjuh ka UPSC .

Namar haduh mynta mynne ki khynnah pule ba pass na ka MBOSE ki Shem shitom eh Lada hap ban iakhun ia kine ki examine wat hapdeng ba ki la ioh iaki coaching Jong ki ha ki private coaching centre namar Kim shim la ioh lupa iaki (grass root) (foundation) kiba iadei bad ki syllabus Jong kine ki examine kumba long ki khynnah pule kiba pass na ki CBSE,ICSE, ong u bah Enlang Sawan HYC Secretary Education Cell CEC.

What Next?

Recent Articles

Leave a Reply

Submit Comment

*