Ba duna pisa ka jylla, ka sorkar ka dei ban pynduna ia ka tulop ki myntri bad MLA: KHNAM

Shillong, Rymphang 9: Ka seng KHNAM ka pynpaw ka jingsngewdiaw halor ka jingkuman bad ka jingbym shimkhia ka sorkar halor ka jingkiewdor palat pud ka umphniang, petrol bad diesel kaba la pynlong iaki seng jong ki nongniah kali kamai ban iakhih da kaba sangeh kamai la Jan dap shitaiaw.

Kane kala ia u paidbah ba bun balang kiba ba pyndon kam iaki kali kamai ha ki kam ki jam ki jong ki man ka sngi. Ka sorkar kadei ban pyrkhat mardor halor kane khnang ba kan nymkthah ia u paidbah.

Ka seng ka pynpaw ruh ka jingsngew phylla halor ki jingkren jong u symbud myntri rangbah ka sorkar halor ka jingkren jong U “ba khajna na ka umphniang kali yn siew tulop ia ki nonghikai” kine ki dei tang ki jingkren khlem nongrim bad jingkren laplah, hato kan iahap mo ba ym shim pisa na ki nonghikai, khynnah skul ban siew kylla ia ki nonghikai.

Ka seng ka kyntu bad ka dawa jur badei ban pynduna ia ka bhah jong ka jylla halor ka umphniang kali bad lada don kam ban pyndap ia ka jingdon kam jong ka sorkar dei ban pynduna noh ia ka tulop ki MLA, ki myntri ki nongmih khmat ki dei ban siew na pla lada ki leit shabar ka jylla.

Dei ban pynduhnoh ia ka pension ki Nongmih khmat, ki Nongmih khmat ki dei ban sangeh ka pyndon kam iaki kali sorkar, bad kiwei kiwei. Ki Nongmih khmat Kim dei ban hun tang ha ka jingpyrta ha ki rynsan paidbah.

Lada ki don ka jingsngew khia kidei ban leit pyrta ha kamra u Myntri Rangbah, ka seng  ha ka jingialang kala rai ban dawa jur ia ka sorkar ban shim khia mardor halor kane ka jingkiewdor ka umphniang ban pynlait ia ki paidbah na ka jingeh kiba bun, la ong u Bah Thomas Passah President ka KHNAM Youth Wing.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet