New Delhi, Naitung 20: Ka National Human Rights Commission (NHRC), India kala shimkhia iaka suo motu jong kawei ka khubor jong ki samla pule ka klas 9 bad 11 kiba la kynnoh ba kila shah pynbor ban law iaki jain phong jong ki ha ki ar ngut ki nonghikai jong kawei ka skul sorkar ha Liwali, Sawai Madhopur distrik jong ka Rajasthan.
Kum ba ka paw na ki latpathai khubor ba katei ka jingjia kala jia hadien ba kawei na ki nonghikai kala jah pisa haduh T. 1,000. La ong ruh ba kine ki samla pule kila shah shoh shah dat ha ki nonghikai, hynrei ym shym la ioh ka pisa na ki.
Na ka liang ka Commission, la ong ba hato kane ka dei ka khubor ba shisha ne lam ler, lada ka dei shisha yn shimkhia ia katei ka jingjia ia kine ki samla pule bad ba kin ioh ia said na ka bynta ka hok jong ki.
Namar katei, kala pynmih da ka jingpynbna sha u Chief Secretary ka Rajasthan ha kaba la ong ba la dei ban pyntip shaphang katei ka jingjia hapoh ar taiew.
Katkum ka lat pathai khubor kaba la ioh jingtip ha ka 17 tarik Naitung 2026, ki samla pule kila dep pyntip iaki kmie ki kpa shaphang kane ka jingjia hadien ba kila poi ha iing bad hadien shi sngi, ki kmie ki kpa kila leit lum ha katei ka skul na ka bynta ban pyrshah.
