Shillong, Naitung 20: U Lamphang ka iing dorbar jong ka Rajya Sabha, u C.P. Radhakrishnan u la pynbam smai mynta ka sngi hapoh ka ophis jong ka Rajya Sabha iaki phra ngut ki dkhot ba dang shu jop, bad kila la shah jied biang kum ki MO ka Rajya Sabha.
Kiba la pynbam smai mynta ka sngi ki longh u Dr. Mukeshbhai J. Rathwa, u Pawan Khera, u Mahesh Kewat, u James Pangsang Kongkal Sangma, u Khiangte Laltluangkima, Dr. Satish Poonia, u Prakash Chik Baraik, Sushmita Dev bad u Sukhendu Sekhar Ray.
San ngut ki dkhot kila smai da ka ktien Hindi, ar ngut da ka phareng bad ar ngut pat da ka ktien Bengali. Lai ngut na kine ki dkhot ki dei na ka jylla West Bengal, bad mar uwei pat na ki jylla Gujarat, Karnataka, Madhya Pradesh, Meghalaya, Mizoram bad Rajasthan.
Umyntri rangbah ka jylla u Conrad K Sangma mynta ka sngi u la leit ban synran lang ia u MP jong ka party NPP sha Rajya Sabha ha ka sngi ba shim ia ka jingbam smai ha ophis jong ka Parliament Rajya Sabha.
