Shillong, Naitung 20: Mynta ka sngi na ka daw jong ka jingjur palat jong u slap kala don ka jingkhyllem jong ki dieng bad ka jingtwa khyndew ha ka shnong Umden ha Ri Bhoi District bad kane ka jingjia kala pyndkut ia ki ksainar light bad ka shnong mynta ka shong ha ka jingdum.
Haba kren ha u SP News Agency u rangbah shnong ka shnong Umden u bah Shanbor W Trang haba kren ha u SP News Agency la iathuh ba ha kane ka jingslap jur kala wanrah ia ka jingtwa khyndew bad ka jingkhyllem ki dieng ki siej hapoh ka shnong.
La iathuh ba ha kane ka jingkhyllem ki dieng kala pynjulor ia ki ksainar light bad mynta kim don light, kane ka jingtwa khyndew kala wan rah ia ka jinglulor ki pynthor kba na ka daw jong ka jingshlei um bad kane kala wan rah ia ka jingduk ia ki nongrep.
Na ka liang jong ka shnong kala ia pynkhuid ban pom ia ki dieng kiba la khyllem ha surok bad ha kane ka jingjia kam shym don kano kano ka jingjia kaba sngewsih kat haduh mynta jan miet kaba kum ka shnong kala ioh ia ka jingtip.
La iathuh ba kane ka jingjulor kam dei tang ha shnong Umden hynrei kila jia ruh ha kiwei kis hnong ba majan kum ka shnong Umprdong bad kiwei kiwei ki shnong kala don ka jingtwa khydnew la iathuh bad ki kyrpad ia ki bor jong ka District ba kin iarap lem ia ki long iing kiba mat ia kane ka jingshah lynshop ha ka mariang.
