Shillong, Lber 02: U Myntri rangbah ka jylla u Conrad K Sangma mynta ka sngi u la khot ia ka jingialang kaba kyrkieh bad u myntri ba dei peit ia ka tnad bor ding jong ka sorkar jylla u James K Sangma bad ia ki ophis ban ia kren ha lor kane ka jingpynlip light jong ka MeECL.
Ha kane ka jingialang na ka liang jong u myntri kam bor ding u James K Sangma u la pynsngew ha kane ka jingialang ba ka daw jong ka jingpynlip light jong ka MeECL ka long ba ki don ki jingsiew kiba ka National Thermal Power Corporation (NTPC) ka dei ban ioh na ka MeECL, ia kaba ym ban se ban leh ia kane ka jingpynlip light.
Haba ia dei bad kane ka jingia dei bad ka NTPC, u myntri ka tnad bor ding ha kine ki sngi un sa leit sha Delhi ban ia kynduh ia u myntri kam bor ding ka sorkar pdeng ban weng noh ia ki katto katne ki kyndon kiba don hapoh ka NPTC namar kane ka ktah ia ka jylla.
Ha kane ka jingialang la don lang kiwei ki myntri ka sorkar jylla bad u Chief Secretary ka jylla u MS Rao bad ki ophisar na ka tnad pynmih bor ding jong ka sorkar jylla.
