Shillong, Naiwieng 15: Ka seng Hynniewtrep Youth Council (HYC) ha ka jingialam u president u bah Roykupar Synrem ki la leit ban iakynduh ia u Symbut Myntri Rangbah ka jylla u bah Prestone Tynsong ban wad jingtip ba pynphai noh ka sorkar pdeng ia ka Bill MRSSA 2020.
Ka iing dorbar thawain ka jylla kala wan rah ia ka jingpynylla halor ka ain MRSSA Act, 2016 bad ia ka Billa MRSSA 2020 la phah sha u Lat ka jylla bad na ka liang jong Lat ka jylla la phah sha ka sorkar pdeng bad ia kane ka bill la pynphai pat da ka sorkr pdeng sha kka sorkar jylla ryngkat ki jingkynthoh.
Kumta ka seng HYC ka la pynpaw ba ha kane ka jingiakynduh bad u Symbut mytnri rangbah ka jylla u bah Prestone la kular ba na ka liang jong u yn sa khot ia ka jingialang bad ki seng bhalang bad ki seng sain pyrthei ban ia kren halor ka ne ka Bill.
Ha ka ba iadei bad ki daw ba ka sorkar pdeng ka pynphai kylla ia kane ka Bill na ka liang u President ka HYC u la pynpawba ki don ki kato katne ki kyndon ki baia tyngkhuh bad ka jingmang kyrpang bad kumno ban pyniaid ha ka ban buh ia ki khyrdop ki ban peit bniah ia ka ruh ka mih jong ki briew.
Ka seng HYC ka la pan ruh ia kane ka Bill bad ki jingai jingmut na ka sorkar pdeng ha ka seng kan ioh ban peit bniah bad khnang ba ka seng kan ioh ban ai ia ki jingmut jong ki sha ka sorkar.
Ka seng HYC ka la kynturuh ia ka sorkar jylla bad ia baroh ki 60 ngut ki MLA ba ki dei ban shim khia ia kine ki mat jingdaw ki ba ka seng bad ki paitbah ka jylla ki la thrang ban pyntrei kam ia ka ILP.
