Shillong, Jymmang 25: U Myntri Rangbah ka jylla u Conrad K Sangma ha dien bala ioh ia ka jingujor na ki paidbah bad na u MLA ka Kharkutta ba ia ka iing skul jong ka Adokgre RMSA Higher Secondary School la shna torti mynta ka sngi u la leit ban jurip da la dep ban lap ia ka jingshisha.
Ha dien ba u ba u la de ban jurip la bthah ia Deputy Commissioner ka North Garo Hills District ban thung ia ka kynhun tohkit halor kane ka jingtei iakane ka iing bad dei ban pynshitom ia u kontraktor ba shna ia kane ka iing skul.
Mynta ka sngi u myntri rangbah ka jylla u la pynmih ruh ia ka jingmaham ia baroh ki kontraktor kiba pyntrei ia ki jingtrei jong ka sorkar ba lada ki trei torti ka sorkar kan nym lah ban pdiang bad kin shah pynshitom katkum ki kyndon.
Ha kane ka jingleit jurip ia u myntri rangbah ka jylla la synran lang da ki riew rangbah ka thain bad na ki ophisar kiba dei na ka North Garo Hills District. U myntri rangbah la ong ba ka sorkar kan nym lah ban pdiang ia kino kino ki rukom trei torti ia ki jingtrei kiba ka sorkar ka phah trei.
