Shillong, Jymmang 14: Ka Joint Action Committee (JAC) Namchiang Narpuh Tongseng to Ratacherra, East Jaintia Hills, ka pynpaw ia ka jingsngewkhia kaba jur halor ka jingleh kuman ka sorkar lyngba ka NHAI ban maramot ia u surok NH-6 kumba lah kular.
Ka jingbym leh ei ei jong ka sorkar ban pynbha ia ka surok ha kata ka rukom, ka la pynjynjar ia ki nongleit nongwan namar ka jingsniew palat ka surok sha ba palat pud kaba la pyndik shisha ia ki nongshong shnogn ka thain.
Kaba sngewthamula ka long ba ka Sorkar bad a NHAI ka siang rong , ha ki bynta jong u surok ba dang bha bad ieh pat ia ki krem ki kroh ha shilynter ka surok. Kane ka jingleh kane ka kompnei ka long tang ban ioh ban pyllait bill bad ka long kumba tam eit miaw.
Bunsien ki nongleit nongwan khamtam kiba pang ba shitom ki sah kut ha ka jingdheng kali ha thian Tongseng shaduh Umkiang, Ratacherra khamtam ha ki bynta ka Mandir da ki bun bun kynta namar ka jingbym lah iaid shuh ki kali kum ka Kali kit mawshun kit dewiong kiba kit palat pud bad dei kine shi bynta ka jingsahkut kali ha shi lynter u surok NH-6.
Na ka liang jong ka JAC ka kyntu ia ka sorkar bad ia ka NHAI ban maramot noh ia ka surok NH-6 hapoh shitaiew bad lada kam lah kim lum paidbah biang ha surok ban pakhang syndon ia ka surok.
Bad ka JAC ka maham ruh ia ki truck Dewiong bad Mawshun ba kim dei ban pynkhein ia ka hukum jong ka Supreme Court da kaba kit palat pud nangne shakhmat.
Bad lada ka JAC ka dang lap ia kiba kit palat pud kan shim ia ka sien jam da kaba mih paitbah ban kem naphang ia ki truck Dewiong bad Mawshun kiba pynkhein ain bad aiti syndon ia ki sha ka bor jong ka ain lane ban ai da ka F.I.R., kane ka long katkum ka kyrwoh kaba la phah da u bah Lasting Pala shongknor ka JAC Namchiang, Narpuh East Jaintia Hills District.
