Shillong, Naitung 31: Ka Synjuk Synshar Shnong Maweit (SSSM) ha ka jingialang kaba la long dang shen kala shim ia ka rai ba ia mynta shipor yn khang shuwa ia ki kali heh, ki trok kiba juh wan kit dieng, kit Mawlein bad kit Ranga.
Kane ka jingkhang ia kine ki kali kan long naduh ka 3/08. 2020, ki kali kiba lah ban rung sha katei ka thain kin long tang ki kali kit ia ki marbam, kali kit nongpang bad ki kali ba kit ia ki nongleit nongwan. Ka jingkhang ia kane ka surok ka long ba kin maramot ia mynta.
Ka jingshim ia kane ka rai ban khang shipor ka long ba kane ka surok ka long kaba la sniew sha ba palat bad kala buh ia ki paidbah ha ka jingeh kaba khraw ha ka leit ka wan jong ki paidbah katei ka thain Maweit baroh kawei.
Naka liang ka synjuk ka la ban jur iaka tnat PWD ban phai khmat lang bad ban maramot lang iaka surok Maweit khnang ba ka bylla ka sngi ka leit ka wan jong ki paidbah kan nym dkoh, kane ka long katkum ka kyrwoh kaba la phah da u bah Pynshai kharbani Imformation secretary synjuk shynshar shnong maweit area.
