Shillong, Jymmang 31: Ha ka jing sngewkhia ia la ki Para nongshong shnong,ki para Ri kiba ju ia kynduh jingeh ku
m ha kine ki por ba ka khlam Covid 19 ka la pur biang ha ka wat kaba ar ha kaba ka la pyn kulmar jingmut ia baroh khamtam eh ia u kup shiliang u sem Shiliang, Ka Khasi Students’ Union ha ka 31 tarik u Bnai Jymmang 2021 ka la aiti syndon da ka Iing Skul kaba la pyniaid hi da ka Seng sha Ka Dorbar shnong Lawsohtun.
Kane ka Iing Skul jong ka seng ka dei ka ba la tip kyrteng kum U Soso Tham Memorial secondary school kaba don ha Block-6 jong ka Shnong Lawsohtun.Ha Kane ka skul ka Seng ka lah ioh ruh ban pynbiang ia 10 tylli ki jingthiah na bynta kito kiba donkam.
Ka Jingaiti shipor ia katei ka Iing Skul sha ka Dorbar Shnong ka long ba kum ka Shnong kan ioh ban peit bad jngoh ia ki Nongshong shnong kiba donkam ban shah shong Set kut lane set Slung ia lade namar ba ym lah ban tip lypa ioh lehse ki don ki khep ba ki long iing ki donkam kum ha kane ka por.
Ha kane ka sngi la ia don lang u Rangbah Shnong Bah Lurshai Shylla ki Nongkit kam shnong jong ka Lawsohtun baroh kawei,ki nongkit kam ka KSU ba kynthup ia u Samla Readyon stone Nongrum Assistant General Secretary KSU CEC U samla Johnson Nongkhlaw President KSU Lawsohtun Unit lem bad kiwei kiwei ki para dkhot.
