Ban iada na ka jingsaphriang u COVID-19 lada phi dei u heh ne urit but ia ki kyndon:DC

Shillong, Iaiong 30: Ka Deputy Commissioner jong ka East Khasi Hills ka kong Isawanda Laloo kala ong ba lada dei u heh u hain ne urit u ria ban iada na ka jingsaphriang u COVID-19 baroh dei ban but ia ki kyndon kiba la bthah da ka sorkar.

Haba kren ha ki Lat pathai khubor mynta ka jan miet ka Kong Laloo kala ong ba kane ka jingpynbna ka sorkar ia la ‘Containment’ hapoh sorry Shillong ka long ban iada na ka jingsaphriang u khniang jingpang COVID-19, la kyntu ia ki paidbah ba kin kiar ban muh khlem da don kam.

Ka DC kala ong ba ki dukan die lang ia ki marbam ha Paltan Bazar, Iewmawlong, Iewduh kin plie ban ailad ia ki nongkhaii na kiwei ki District kin wan thied ha di en ba kila ioh jingbit na ki DC jongki.

Ia ki dukan die marbam ha ki shnong ki dong kin plie ryngat ka jingiapynbeit lang bad ki magistrate, ki paidbah kim dei ban khuslai ki marbam ki biang bad na ka liang jong ka ophis ka peitngor ba kan nym don ka jingkiewdor.

Kiwei ki dukan kum ki dukan rong, dukan die tiar light la shah ia ki ban plie, hynrei yn buh ia ki da ki sngi, ym ba kin ioh ban plie man ka sngi. Ki dukan sha ja ia ki la khangress yn nym shah ban plie.

Ka DC kala ong ruh ba kito kiba leit bylla kila lah leit sha la ki jaka bylla, kiba leit shim dawai ne leit aisa Tika ki lah ban leit, ki khynnah ba leit thoh eksam, ki nonghikai ba peit ia ki eksam ki lah ban leit da ka ba pyni ia ki ID lada don ba kylli.

Haba ia dei bad ki kali kamai la shah ban iaid tang 25% katkum ka jingpynbna bala dep pynmih na ka bynta kine ki sngi ba don kane ka Containment, ka DC ka ong ba la leh ia kane na ka bynta ban iada ia ka jingsaphriang kane ka jingpang COVID-19 ha kane ka jylla, ia ki iew ba juh long shisien saw sngi ne shitaiew la khang ban lait na ka jinglum paidbah.

Na ka liang jong ka DC ka maham ruh ia ki briew ba lada kidon kiba pynkhein ia ki kyndon yn pynshitom hapoh ki kyndon ain lada lap. Ka DC ka kyntu ia ki paidbah ban ia treilang bad ka sorkar ban ia khun pyrshan ia ka jingsaphriang kane ka jingpang COVID-19.

 

What Next?

Recent Articles

Leave a Reply

Submit Comment

*