Shillong, Lber 02: U Deputy Commissioner jong ka West Jaintia Hills District bah BS Sohlya mynta ka sngi la ioh jingtip ba kala don ka jingiahuri hura hapoh ka shnong Sahniang shuwa ban niew vote.
Kala don ka jingsngew ba ka lah ban mih ka jingiaklumar bad ka lah ruh ban sa phriang lada ym lah ban the lakam bad kala ban wanrah ia ka jingjulor ia ki jingdon jingem bad ka jingduh ia ki mynsiem briew.
Ban khanglad ia kum kitei ki jingjia na ka liang jong u Deputy Commissioner jong ka West Jaintia Hills District u la pynjari ia ka kyndon 144 CrPC da kaba pynjari ia ka Korphiew hapoh ka shnong sahsniang bad kane kan neh haduh ban da pynbna da kumwei pat.
