Ban ioh jingiarap na ka “Chief Minister,s Social Assistance Scheme” don kam Aadhaar

Shillong, Lber 14: Ka tnad Social Welfare jong ka sorkar jylla ha ka 10/Lber 2021 kala pynmih ia ka jingpynbna sorkar ba kito kiba dei ban ioh ia ka jingiarap na ka  “Chief Minister,s Social Assistance Scheme” ki dei ban don ia u Aadhaar lane kin long kiba dang leh ia u Aadhaar.

Ia kane ka jingpynbna sorkar la soi da u lat jong ka jylla katkum ka kyndon kaba 7 jong ka Aadhaar, kumta la kyntu ia kito kiba dei ban ioh ia kane ka jingiarap kaba dei na ka CMSAS ki dei ban don ia ka Aadhaar lane kin long kiba dang phah shon dur Aadhaar.

Kino kino kiba kwah ban ion ia kane ka jingiarap kaba dei na ka CMSAS ki dei ban shon dur Aadhaar ha kito ki jaka kiba la buh da ka sorkar katkum ka kyndon kaba 3 hapoh jong katei ka ain.

Ka kyndon kaba 12 jong ka ain ka ophis jong “Child Development Project Officer” kan hap ban pynbeit ia ka jaka shon dur Aadhaar  lada kam don ka jaka shon dur Aadhaar ha ka Block bad kata ka jaka shon dur kan dei ha ka jaka kaba suk ki paidbah da ka jingiatreilang bad ki bor jong ka District.

Kat haduh ka por ba kin ioh ia ka Aadhaar,  ia kane ka skhim dei ban ai sha kito ki briew tang ba ki hap ban pynithuh ba kila don ia ka slip shon dur Aadhaar, Bank Pass Book, Post Office Past Book, pan card, Passport, Ration cards, Voter ID, Laisen niah kali , ka syrnot na shnong bala da u rangbah shnong lane Nokmas lada kim pat shon dur Aadhaar.

Haba ia dei bad kane ka ophis jong u CPDO ka dei ban pyntip paidbah ha kaba ia dei bad kane bad ka dei ban bthah ia ki rangbah shnong, ki Nokma, ki sordar shnong ba kin phah pynpyrta ha u sangot  ha ki shnong ki thaw ban ia tip paidbah, lada jia ba kam biang ka internet ban shon dur Aadhaar ki dei ban ai da ka shithi ban pynshisha ba la leh Aadhaar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet