Shillong, Rymphang 09: Mynta ka sngi ka jingialang jong ka Kabinet kala pdiang iaka “Shillong Urban Mobility Policy 2024, kane ka long katkum ka jingai jingmut jong ka sorkar pdeng baka bynta ban pynsuk ia ka leit ka wan ha kane ka nognbah Shillong.
Da kane ka long ban hap ban shna ia ka policy kumno ban pyniaid ia ki kali ha kane ka nongbah Shillong, ban shna ia ki jaka ieng kali bad ki jaka iaid paidbah, ia kaba ka sorkar kan hap ban shna iaki rule.
Ha kane ka jingialang ka kabinet kala pdiang ruh ban pynkylla iaka Meghalaya Building Bye Law 2021 ban pynbiang ia ka jingkiew ki jaka sor katkum ki kyndon jong ka Ri India bad kane kalong ban pynthikna ba ki iing kiba dei ki dei ban long kiba shangian bad pyndon kam ia ka jaka.
Ka jingpynwan iakane ka jingpynkylla ha ka Meghalaya Building Bye Law 2021 ka ba ka jylla ruh kan ioh ia ka skhim naka sorkar pdeng kaba la tip kum ka jingiarap kaba kyrpang naka bynta ki skhim ha ki jaka sor ia kaba ka sorkar pdeng kala mang pisa T.15000 klur dei na kane hap wan rah ia kane ka jingpynkylla.
Ha kane ka jingialang ka Kabnet kala pdiang ruh ban wan rah a ka jingkylla ha ka Meghalaya Fiscal Responsibility and Budget Management (Amendment) Ordinance, ia kane ynsa wanrah hapoh ka iing dorbar ha k dur jong ka bill ban long ain ha kane ka dorbar mang tyngka ban sa long shen.
