Shillong, Kyllalyngkot 12: Ka kynhun nongrwai kaba paw bha ha kane ka jylla Meghalaya ka ‘Snow White’ kala pynlong ia ka tamasa tem ha Riatsamthiah ban kynmaw buromia u dkhot u kaitor Manfilson Lyngdoh bala khlad ha u snem 2017.
Ia ka tamsa tem la pynlong ha Raitsamthiah ha ka jingiatreilang bad ka seng samla shnong Riatsamthiah ia kaba la kyrshan lang ruh da ka dorbar shnong bad ka Meghalaya Aids Control Society bad kane ka long ruh ban rakhe ia ka jingdap 25 snem ka kynhun rwai.
U bah Manfilson la juh tip kum u bah hep bad bad ka bynta ka jong u ha ka kynhun tem u tem Guaitar ha ka jingkren u bah M Kharkrang rangbah shnong ka Raitsamthiah la ong ba kane ka jingpynlong ia kane ka tamsa tem ka long ruh shibynta ban ong “EM” ia u drok.
