Shillong, Nohprah 08: U Symbut Myntri Rangbah ka jylla u bah Sniewbhalang Dhar ba dei peit ia ki kam karkhana haba plie ia ka jingialng jong ki kompeni jong ka Ri India kiba dei pyniaid ia ka lyer shet bad bad ka lyer ban pyndon kam ha kaba pyniaid iaki kali kaba la long mynta ka sngi ha Shillong, ka long kaba don kam ban da ia phylliew jingmut ban lait ka jingyrwit.
U Symbut mytri rangbah ka jylla u bah Dhar la ong ba u dap da ka jingsngew kmen ba kum kane ka jingialang kaba heh kan don ha kane ka nongbah Shillong ha kaba u la shah khot ruh ban ia don bynta lang ha kane ka jingalang ba kumno ban pynioh ia ka lyer shet kaba khuid ban iarap ia ka mariang.
Ha kane ka jingialang u symbut myntri rangbah u la kren shai ba ka rukot bat khyndew ha kane ka jylla ka dei jong ki paidbah bad kan nym don kata ka jingioh ei bad haba la trei kam, yn ia kynduh shibun ki jingeh nalor ki trai khyndew, yn ia kynduh ia ka MeECL, ka tnad ka koit ka khiah, PWD, PHE, dei na kane ba u sa ong ba don kam ia ka jingiamir jingmut.
Ha ka juh ka por na ka liangjong u Symbut myntri rangbah u la ong ba ka jingwan kine ki jingtei kam dei tang ban don ia ki jingtrei, hynrei kan long lat iohkam ioh jam ruh ia ki samla kane ka jylla, la ong ba ki samla kane ka jylla ki long kiba tbit hynrei donkam ban ai jinghikai ia ki.
Kiwei kiba la kren ha kane ka jingialang ka dei ka Wandana Sharma Secretary jong ka PNGRB, u A.K Tiawari dkhot jong ka PNGRB, u Dr. Anil Kumar Jain shongknor ka PNGRB , u Dr. Shakil P. Ahamed Additional Chief Secretary ka jylla Meghalaya, u Suresh P. Manglani CEO jong ka Adani Global Gas, bad u Sanjay Kumar na ka kompeni GAIL.
Baroh ki nongkren ha kane ka sngi kila pynpaw ba kane ka jingia thep kyrteng ban ioh trei na ka bynta ban pyniaid ia ka lyer shet, lyer ban pyndon kamha ki kali ha ki hynrrwei tylli ki jylla kane ka thain, katta Assam, Arunachal Pradesh, Meghalaya, Ngaland, Manipur, Mizoram bad Sikkim ia kane ka jingkhot tender yn pyndep ha ka u Rymphang 2024.
