Shillong, Nailur 04: U Myntri Rngbah ka jylla u Conrad K Sangma mynta ka sngi la ong ba u sngewthuh ia ka jingsngew jong ki paidbah halong ka jingwan rwai u Bryan Adams ha JN Stadium ha Polo ba ioh jor u phlang.
Na ka liang jong u myntri rangbah ka jylla la ong ba la shah ban pynlong ia ka jingwan rwai jong u khlur nongrwai ba paw ka pyrthei ha kane ka nongbah Shillong ka long halor ka kyndon ban nym pynjot ia ka madan.
Ban nym jot ka madan la bthah ia ki nongpyniaid ba kin buh ia ka rynsang halor jong ka madan bad kine ki n long ki rynsan kiba long katkum kane ka juk kaba mynta bad ha dien bala buh ia ka rynsan yn da jurip bin pa bin pynthikna ba kan nym ktah ia ka madan.
Ia kum kine ki jingdon kam paidbah ha kylleng ka pyrthei la juh pynlogn ha ki jaka kiba heh ha ki Stadium ban ngiam bun ki paidbah nongwan peit kai, ka jylla ruh kan leh ia kane ka juh ban ngiam bun ki paidbah bad ha ka juh ka pork an don ruh ka jingmih haba pynlong kum kine ki jingwan rwai ki nongrwai ba paw jong ka pyrthei.
U myntri rangbah la ong ba ka ban ktah kan long tang khyndiat bad kito ki long tang kito ki jaka ba pynshong ia ka rynsan bad kine ki jaka ba shah ktah ruh kin sa wan biang kumba ka log tang hapoh hynniewsngi.
