Shillong, Nailar 23: Mynta ka sngi ka seng KSU, FKJGP, GSU, ADE bad kiwei kila ia kynduh ia u mytnri rangbah ka jylla u Cornad K Sagma ban iakren ha kaba ia dei bad ka jingiapynbeit pud bad ka jylla Assam, ia kaba ka sorkar kala lah ban pyndep ia ka kylla kaba nyngkong bad mynta ka jylla kaba ar.
Haba kren ha ki lat pathai khubor ha dien ka jingiakynduh ia u mytnri rangbah ka jylla u President ka seng KSU u bah Lambokstarwell Marngar la ong ba ka sorkar kala khot ar sien ka jingialang ia ki seng bhalang halor kane ka kam pynbeit pud bad ka paw shai ba ka sorkar kala kut jngmut ban pynbeit ia upud u sam namar kane ka dei shuh kaba dang dawa mynta ka dei kaba la slem.
Ha katei ka jingiakynduh kaba nyngkong ruh kum ki seng bhalang kila ai jignmut sha ka sorkar ba kan pynshong nongrim ia ka History, ban shim ruh ia ka jingthmu jong ka jingialeh Hills State bad kan sngap kan sngew ia ki it ki hima bad District Council bad ia ki riewshimet kiba don ia ki kot kisla.
Hynrei ha dien ba la iohi ba ka kylla kaba nyngkong kala iaid kumto ka don ka jingia byn hun kaba bun bah ki mih ki kynrum kynram ki mih ki kynhun kiba ong ban iaid sha ka ain bad ki paidbah ki pynpaw la ka jong ka jingpynpaw.
Kum ki seng bhalang ki iohi ruh ba ka sorkar ia ka jinglong jingman nangno ka shim bad nangno ka sdang, ka jingpuid ia u ta u line kam dei kaba dang shujia mynta u snem 20222 hynrei ka sorkar kala kdew ba ia kane ka jingpruid ia u dak kala jia naduh u snem 2011.
Haba ia dei bad kane u samla Lambokstarwell la ong ba kano kaba dei bad kano kaba lait ia kata ym lah ban jubab hyrnei ka sorkar kan sa jubab, hynrei kaei kaba ki kwah ban pynsngew sha ka sorkar mynta ka sngi ki sngewthuh ba ka eh bah ban ia kren ba ka sorkar kan pynkylla biang ia ka sos kular ba la ia soi ha kaba ia dei bad u pud u sam.
Hynrei kubma ka long ka Assam ka dang hap ha India ka Meghalaya ka dang hap ha India, ka dei ban don ka lat ka lynti ia kata ban pynkylla ia ka soskular kum ki seng bhalang ki ieh ia ka jingstad jong ka sorkar kumno ban leh, hynrei ka sorkar kam dei ban niew bein ne klet ia ka jingjaw ummat ki briew kiba shong ha khappud.
U president ka KSU la ong ba um dei mano mano ba leit sumar ia kito ki jaka da khien 50 tylli ki snem dei kipaidbah kiba sumar ia ka khyndew ka shyiap , la ki hap ha ki hima ne ki hap ha ki shnong ne ki Raid bad kumta ter ter, ia kane ngi ieh ha ka jingstad jong ka sorkar ia kane.
Kum ki seng bhlang kin iai bteng ban peit bniah ia kane ka kam, ngeit skhem ba ka sorkar kan thaw ki lat ki lynti bad ka juh ka por ba kila kren da kaba sha ka sorkar ban ong mynta ka dang pynkhreh ia ka jingikren pud ka jylla kaba ar, kila ong ba ha shuwa ban shim ia ka rai ba khatduh ne ban ia soi ia ka soskular ka sorkar ka dei ban shim ia ka rai sur ki paidbah.
Nang ne sha khmat kam dang mih shibun ki kynrum kynram, kum ki seng bhalang ki sengewthuh ba kamd ei kaba suk ia kane ka jingpynbeit pud pynbeit sam, sngewthuh ba ka Assam kan kam bad Meghalaya kan kam, kan don ka lynti kaba beit ka jingstad jong ki ngeit ba kan nym don ka kynrum kynram.
Hynrei kaba kongsan kan long ia ki trai shnong ki trai muluk kiba bat ia ka khyndew ka shyiap ki it ki hima ryngkat District Council ki hap ban ia sngewthuh jingmut ba ka sorkar ruh kam dei ban iaid lait khnang ban lait ka kynrum kynram hynrei ban shu rai tang ki kato katne ngut wat ka kylla kaba ar ruh kam mih ka jinghuri hura.
Lyngba kane ka jingkynduh ka long ba ki ai jingmut sha ka sorkar ba ha ka jylla kaba ar kam dei ban mih ka kynrum kynram, ka jingmih na ka jingbymhun ki paidbah ha ka kylla kaba nyngkong ka sorkar ka dei ban thaw ki lat ki lynti namar ka Meghalya bad ka Assam ki dang dei ha India ki dei ban thaw ki lat ki lynti ban pynbeit.
