Shillong, Nailur 13: Ia ka No Confidence Motion(NCM) lane ka mat jingiakren bym don jingshaniah shuh ia kane ka sorkar jong u Dr Mukul Sangma kaba la wanrah da ki lai ngut ki MLA, u Bah Jemino Mawthoh,jong ka UDP, u Bah Ardent Basaiawmoit jong ka HSPDP bad u James K Sangma jong ka NPP, yn sa rah hapoh ka iing dorbar la shai ka sngi ban shim ia ka rai ban pdiang lane ban kyntait.
Katkum ka rule kaba pyniaid ia ka iing dorbar thawain hapoh ka jylla ia kaba la tip kum ka “Rules of Procedure and conduct of business in Meghalaya Legislative Assembly” ka Rule kaba 133 jong ka kyndon kaba lai, ka ong ba lada u shongknor jong ka iing dorbar u shem ba ka mat jingiakren kaba la wanrah ka biang.
Na ka liang jong u shongknor un bthah ia ki dkhot jong ka iing dorbar kiba kyrshan ia ka mat kaba ki kwah ban ia kren bad ki dkhot jong ka iing dorbar kiba kyrshan ba kin ieng ha ki jaka ba ki don bad kim dei ban duna ia ka shiphew ngut ki dkhot kiba kyrshan.
Lada la don shiphew ngut kiba kyrshan ia ka mat jingiakren na ka liang jong u shongknor jong ka iing dorbar un sabuh ia ka sngi ban ia tai halor kata ka mat ia kren bym don jingshahniah shuh ia ka sorkar kum ba la wanrah da kitei ki lai ki dkhot jong ka iing dorbar.
