Shillong, Rymphang 23: U Myntri Sorkar Pdeng ba dei khmih ia ka Tnat Ports, Shipping & Waterways bad Ayush, Sarbananda Sonowal u la pliepaidbah ia ki projek bapher bapher ban kyntiew ia ka bor treikam ha North Eastern Institute of Ayurveda and Homoeopathy (NEIAH) ha campus jong ka kaba don ha Mawdiangdiang ha ka nongbah mynta ka sngi.
U Myntri ba dei khmih ia ka Tnat Ayush u la plie ia ka Guest House bad buh maw nongrim na ka bynta ka Administrative Building, Pharmacy Building, kumjuh ruh ka kynroh bad ka surok kynthup ki khyrdop ban rung bad mih.
Ha ka jingai jingkren ha ka jingialang, u Myntri Sorkar Pdeng, Sarbananda Sonowal u la ong ba lyngba ka jingkyntiew ia ka bor treikam ha NEIAH, ki don ka kabu kaba kyrpang ban ioh jinghikai, iatreilang bad kyntiew ia ki bor haba ngi ialeh ban wanrah ka jingpynshisha ia ki rukom ai jingsumar tynrai lyngba ka jingsakhi jong ka jingstad science.
Kalong ka khyllipmat jong ka jingsngewthuh kaba khraw ba ka institute ka ladep ai jinghikai pyntbit janshi hajar ngut ki riewshemphang ha ka Ayurveda bad Homoeopathy. Kane ka la kyntiew bha ia ka rukom ai jingsumar ha ka thain, khamtam ha Meghalaya, haba ngi iaidshaphrang ban pynurlong ia ka thong jong u Myntri Rangbah duh jong ngi, Narendra Modiji na ka bynta ka Swastha Bharat.
Kane ka kynhun ba thymmai jong ki nongai jingsumar, kiba don ka atiar jong ka jingai jingsumar Ayush kin iarap ia ki briew ban ioh ia ki jingmyntoi. Ki iajanbha bad ki rukom ai jingsumar tynrai ba hyndai kiba da ki hajar snem, hynrei mynta lyngba ki jingai jingsumar ba la pynshisha da ka science ban sumar ia bun ki jingpang. Ka jingkoit ha India, ka jingioh jingkoitna India kalong ka jingthmu jong ka jingkhie im biang ka Ayush.”
Ka Guest House kaba la plie thymmai ka don ha ka jaka kaba 1780.56 SqM ka ban ai jaka sah bad kaba don ki lad ban pynlong jingialang. Ia kane ka jingtei kaba la pyndep kadei kaba iahap bad ka mariang bad ka don lut baroh ki jingdonkam katkum ka juk mynta.
Ka Administrative Building ban dang shna jong ka NEIAH, ha ka jingheh kaba 3160 SqMkan don kawei ka building (G+3) ryngkat artylli ki mala ba sha trai duh, kynthup kawei ka hall. Ka jinglut ba la mangna ka bynta kane ka jingtei kalong T. 27.30 klur. Ia ka building jong ka pharmacy yn shna ha ka jingbei tyngka kaba T. 15.33 klur na ka bynta ka G+3 building kaba 1833 AqM. Ia ka kynroh bad ka surok kaba la pynshaisharak ba kynthup ka khyrdop ban rung bad mih la shna ha ka jinglut kabaT. 12.72 klur.
Shuh shuh, uSarbanandaSonowal u la ong, “Ka sorkar ba ialam u Narendra Modiji ka thmu ban iarap bad pynkupbor ia ki rukom sumar tynrai jong ngi ba kin saphriang palat ia ka imlang sahlang bad u pud u sam bad iarap ia ki briew ban im ka jingim kaba koit ba khiah bad wanrah ia ki jingpyniaidiew na ka bynta ka thain.
Katba ki jingdon jingem kilong kiba kongsan na ka bynta ki jingseisoh ba kham biang ha ka jingwad bniah bad ka jingkyntiew ia ki kam, ka jingkyntiew ia ka bor treikam ha NEIAH kan pynkhlain ia ka jingkhie im biang jong ka rukom ai jingsumar tynrai hapoh ka jingialam jong u Myntri Rangbah duh, Narendra Modiji.
Ka sorkar ka la kut jingmut ban kyntiew ia ka bor treikam ha NEIAH khnang ba kan long ka jaka kaba don ia ki briew kiba la tbit bha ha ka kam jong ka Ayush ha ka ri. Ha ka shi snem ba la leit, ka sorkarModi ka la bei tyngka palat T. 145 klur ban kyntiew ia ka bor treikam ha NEIAH. Ka jingmang tyngka na ka bynta ka projek ban kyntiew ia ka bor treikam ha NEIAH kalong T. 217. 02 klur.”
U Myntri AyushSarbanandaSonowal u la pynbna ruh ba ki jingshakri OPD kin sdang ha Smit, East Khasi Hills district ka ban long ka jingmyntoi ia 40,000 ngut ki briew kiba sah ha 20 tylli ki shnong. U Myntri u la pyntip ruh ba ka NEIAH ka la sdang ia ka SwarnabinduPrashanSanskar (AyurvedicImmunno Modulation in Children) ha ka Ayurveda Hospital jong ka.
Lyngba kane ka prokram, ka sorkar ka iarap ia ki nongpang lyngba ki lad jingsumar Ayurvedic ban sumar ia ka jingpang Iron Deficiency Anemia (IDA) ha ki longkmie riewlum kiba hapdeng 18 bad 45 snem ka rta ha Mawpat bad Mylliem Block jong ka East Khasi Hills district hapoh ka AYURSWASTHYA Yojana.
Ka NEIAH ka la iarap ia ki nongpang lyngba ki lad jingsumar kum ka Panchakarma, Ksharasutra, Uttarabasti bad Yoga ban kyntiew ia ka jingkoitjingkhiah jong ki. Katba nang bun ki samla pule ki la ioh jinghikai pyntbit ha kine ki rukom jingsumar, ba kynthup ka specialised Panchakarma Technician programme, ngi khmih lynti ba ka rukom sumar Ayush kan nang paw shuh shuh, ba kan kham suk ban ioh ia ki jingmyntoi ba ka ai ha ka koit ka khiah.
Ka India hapoh ka jingialam ba tbit jong u Myntri Rangbah duh Narendra Modi ka la rah ia ka jingsumar tynrai sha ka jingkhie im biang ha ka pyrthei. Ka Ayush kaba la ioh bor biang ka la iarap ban kyntiew ia ka bor jong ki hajar snem ki rukom sumar tynrai haba ka bteng ban sdang ia kane ka jingiaid lynti.
Kane ka long da kaba wanrah ia ki dawai tynrai shakhmat hapoh jong ka da ka jingthmu ban tei ia ki lad ai jingsumar ba la pynshisha da ka science ban kyntiew ia ka jingim jong ki briew, ban don ka met kaba khlain bad ki jingmut jingpyrkhat kiba kmen la ong u SarbanandaSonowal.
lyngba ka bor internet. U Secretary jong ka Ayush, Vaidya Rajesh Kotecha; Vice Chancellor jong ka Northeast Hill University (NEHU), Prof PS Shukla; Joint Secretary, Tnat Ayush, BK Singh; lem bad u Director, NEIAH, Prof Neeta Maheskar ki la iadonlang ha kane ka jingialang
