Shillong, Naiwieng 08: Ha kane ka dorbar synrai mynta ka sngi u bah Titosstarwell Chyne u CEM jong ka KHADC mynta ka sngi u la wanrah ia ka “The Khasi Hills Autonomous District (Village and Town Development Council) Bills, 2021 na ka bynta ban pynioh ia ki kam pynroi sha ki shnogn ha sor bad Nongkyndong.
Haba wanrah ia kane ka Bill hapoh iing dorbar hapoh jong ka KHADC u bah Titosstarwell la ong ba ha Ri India baroh kawei ka don ka Panchayat hynrei ha kane ka jylla Meghalaya namar ka don ki dor bar shnong katei ka ain kan trei kam ka daw ka long ba hap ban pynneh ia ka riti dustur.
Katkum ka jingkylla ka por ki shnong ki don kam ia ki kam pynroi, wat ka sorkar ruh kala thaw ia ka Village Employment Council (VEC) ban pyniaid ia ki kam jong ka trei shispah sngi kaba don ha ki shnong bapher bapher bad kane ka juh wanrah jingeh hapoh ki shnong ha kaba u shongknor bad u secretary kim ia dei bad ka dor bar shnong.
Kum ki shnong ki don ar tylli ki bynta kawei ka kam jong ka dorbar shnong katkum ki riti dustur bad kawei ka dorbar shnong ka hap ban peit katkum ki kam pynroi kiba poi hapoh shnong pothaw, ban pyneit ia kane bad kin shnong kin ioh ia ki kam pynroi katkum ka jingbthah jong ka 15th Finance Commission kala buh bun ki kyndon ban ioh ia ki kam pynroi.
Ban pynneh pynsah iala ka jong ka Riti ka Dustur bad ha ka juh ka por ban wan rah ia ki kam pynroi ka KHADC kala wanrah ia kane ka Bill bad kane ka bill ka dei bei tang na ka bynta ki kam pynroi, kane ka bill kan nym ktah ia ka kam pyniaid shnong la pynshai u CEM bad la kyntu ia ki para MDC ba kin ai ka jingkyrhan ia kane ka Bill.
