Shillong, Nailar 06: Mynta ka sngi ka kynhun shad ka “Gitanjli Dance Academy” kala pynlong ia ka jingshad ban rakhe ia ka jingdap 75th snem jong ka jinglaitluid ka Ri India bad ka jingdap 50 snem jong ka jylla Meghalaya ha Khyndailad.
Ka Minica Chandan ka nongpyniaid ia kane ka jingsahd ka la ong namar ka Ri India kan dap 75 snem ka jinglaitluid ki nongshad ha kane ka sngi ruh ki don 75 ngut bad kane ka long ban rakhe shuwa ba ka Ri India kan rakhe ia ka jingdap 75 snem ha ka 15 tarik mynta u bnai.
Ha kane ka sngi da ki spah ngut ki briew kiba la poi sha kane ka jaka ban ia sakhilang ia kane ka jingshad kaba la pynhun ban peit ia baroh ki nongwan peit kai kiba la ia poi ha kane ka sngi.
Ka Ri India kala pynlong ia ka jingrakhe ha kylleng ki bynta jong ka Ri India bad kum juh ha kane ka jylla Meghalaya bad mynta ka sngi ia kane jingshad la ia shim bynta da ki khynnah skul ki samla bala shah hikai ha katei ka jaka ai jinghikai shad.
