Shillong, Nailur 22: U Myntri Rangbah ka jylla u Conrad K Sangma haba jubab ia ka jingkylli jong ka Niani D. Shira la ong ba baroh ki “Consultants” ki don 124 tylli bad ia kitei 59 tylli la thung ia ki ban peit tang ia ki skhim kiba ioh na bar ri.
Kiba tam na katei ki 65 tylli ki dei kiban peit ia ki skhim kiba wan na ka sorkar pdeng, la iathuh ruh hapoh ka iing dorbar ba na ki 124 tylli 26 tylli ki dei kiba na ka jylla bad ka jinglut na ka bynta kitei baroh kala long T.22.56 klur.
U Myntri Rngbah ka jylla u la pynshai hapoh ka iing dorbar ba , ka jingthung ia ki ‘Consultants’ ka dei kaba la buh ha ki kyndon jong ki skhim kiba ka jylla kala ioh bad ia ka pisa ban siew ia ki ruh la mang lang hapoh jong ka skhim, ka sorkar kam don kam ban sei pisa ban siew ia ki.
Ka jingthung ia ki “Consultants” ka long ha ki ar bynbta, 65 tylli ki Consultants kid ei na ka bynta ki skhim jong ka sorkar pdeng, kum ka PMGSY, Smart City bad kiwei kis khim jong ka sorkar pdeng, katba 59 tylli na ka bynta ki skhim kiba wan na bar jong ka ri, ka jignthung ia ki ka dei kaba la buh kyndon lypa ha ki skhim.
Haba jubab ia ki jingkylli bynra jong u bah Ardent M Basaiawmoit, u myntri rangbah ka jylla u la ong ba ka jingsiew ka long 1% bad 3% na ka skhim bad ka jingpynkhreh ia ki skhim la leh ryngkat ryngkat bad ka jingdon lang ki ophisar na ka sorkar jylla.
Ki “Consultants” ki dei kiba la pyntbit kyrpang kum ka kynhyun ym marwei, ia kiba la tip kum ki “Highly Technical” , kawei pat ka long ka kynhun ka “Technical Experts” bad kawei pat “Procurement bad ia kine baroh la don ha ki kyndon jong ki skhim.
