Shillong, Jylliew 20: U CEM jong ka KHADC u Bah Pynshngianlang Syiem haba jubab ia ka jingkwah tip jong u nongialam ka liang pyrshah u Bah Manstudy Nongrem, Bah PT Sawkmie bad Bah Teinwell Dkhar jong ka UDP, hato ka EC ka lah ban trei kam haba la duna ka jingdon paid hapoh ka iing dorbar.
Haba pynshai ia katei ka jingkylli jong ki tei ki MDC, u Bah PN Syiem u la ong ba ia u CEM jong ka iing dorbar la jied da ka iing dorbar lyngba ka election bad haduh mynta u dang dei u CEM kata ka jingkylli ba la duna ka jingdon paidbah kaba lah ban pynshisha ia kata kila dei ban wanrah da ka motion bym don jingshaniah shuh ban ioh da u wei u CEM ba thymmai.
Na ka liang jong u Bah Manstudy Nongrem u la kwah ban tip haba peit na ka jingiashong dorbar mynta ka sngi kiba bun ki MDC ki shong ha ka liang pyrshah bad kiba shong ha ka liang synshar ki duna, iane ka juh ka jingpynsngew la kren ruh da u Bah PT Sawkmie bad u Bah Tenwell Dkhar.
Haba ia dei bad kane na ka liang jong u Bah HS Shylla u ba la don ha ka PDF u la ong ban ia tip ia ka jingbun paid kila dei ban ai da ka motion bym don jingshaniah shuh bad hating yn sa ia shai, ka jingweng na ka jingkyrshan da ka UDP bad ka HSPDP kam dei ka motion byn don jingshaniah.
