Shillong, Nailar 17: U Chief Secretary jong ka sorkar jylla Meghalaya ka sngi u la phah ia ka jingpyntip sha ki rangbah shnong kane ka sor Shillong bad jong ka Mawlai ba kan don ka jingialang ia kaba ka sorkar kala thaw ia ka “Peace Committee”.
Ka jingkhot ia kane ka jingialang da ka sorkar ka long ban wanrah biang ia ka jingshong suk ha kane ka nongbah Shillong ha dien ba kala mih ka huri hura na ka jingjia ha Mawlai kaba la ktah ia ka shong suk shong sain ha kane ka nongbah Shillong.
Ban wanrah biang ia ka jingsuk ha kane ka nongbah Shillong ka jingialang jong ka cabinet kaba la long ha ka sngi nyngkong kala shim ia ka rai ban thaw ia ka peace committee ka ban khlieh da u Symbut myntri rangbah ka jylla ha kaba la don lang ar ngut ki myntri cabinet bad ka jingthmu ka long ban wanrah jingsuk.
U Myntri ba dei peit ia ka tnad PHE, ba dei dkhot jong ka “Peace Committee” u bah R L Tongkhar u la iathuh ba la shai ka sngi kan don ka jingialang bad ki rangbah shnong ban wat ia ka jingiatreilang ban pynneh pynsah ia ka shong suk ha kane ka nongbah Shillong.
