Umkiang, Naitung 01: Ka Dorbar Shnong Umkiang, East Jaintia Hills District, ka pynpaw ia ka jingsngewnguh ia u Local MLA, bah Shitlang Pale, halor ka jingai jingiarap ia ka Shnong Umkiang, da ka Kali Bret niut .
Namar kane ka long ka jingmyntoi kaba khraw tam ia ka Shnong Umkiang, khamtam ha ka liang ka jingkhuid jingsuba, sawdong sawkun jong ka Shnong Umkiang.
Ka Dorbar Shnong Umkiang, ka pynpaw ruh ia ka jingaikhublei kyrpang ia u Ma Shitlang Pale, uba long shisha u nongmihkhmat jong ka thain jong ngi, namar ym tang kane ka Kali u ai jingiarap hynrei ia ka lynti syngkieng (Internal Road), kiba don hapoh ka Shnong Umkiang bad kiwei kiwei de ki jingiarap ia ka Shnong ka thaw hapoh ka thain jong ngi.
Bad mynta ka sngi tarik 01/07/2021, la ioh ban ot ribbon ia kane ka Kali ha Parking. Ia kane ka program la ioh ban sdang da u Secretary Shnong, Shri.Nicholas Lyngdoh u kum u nongmait phang ia ka jingiaid lynti ban ioh ia kane ka Kali.
La ai jingkren lyngkot da u Shri. W.Rymbai (EM) ha kaba iadei bad ka jingleh bha u Local MLA bad ha kaba khatduh la ioh ban kren ai khublei da u Waheh Shnong bah Lasting Pala.
Ha kane ka program la iadonlang u Asst. Secretary, Shri.Ellend Mynthlu, ki dkhot committee Dorbar Shnong Umkiang, ki Rangbah Dong, ki Secretary Dong jong ki 10 tylli ki Dong, ki dkhot Committee jong ki Department bapher bapher jong ka Dorbar Shnong Umkiang, ki VDP Umkiang bad u President Secretary jong ka Seng Samla Shnong Umkiang,
Kumta ka Dorbar Shnong Umkiang, ka kitbok kitrwiang ia u Local MLA, ba un shait un khlain bha khnang ba un nang lah shuh shuh ban shakri ia ka Constituency hi baroh.
