Shillong, Naiwieng 04: Mynta ka sngi ka seng HITO kala leit ban ai da ka jingthoh ha u Lamphang ka iing dorbar thawain ka jylla u bah Metbah Lyngdoh ban pyndam noh ia ka ai ia khalai kaba la tip kum ka Meghalaya Gambling Act 2021.
Ha ka jingthoh kaba la ai sha u Lamphang ka iing dorbar thaw ain ka jylla ka seng HITO kala kdew ba ki paidbah ka jylla kila ia kren ia kane ka kam ia khlai, ka dei ka por kaba biang ba kum ka iing dorbar ka dei ban ia tai bha halor kane ka ain namar ki paidbah ki kwah ban tip kaei ka nongrim kaba ka sorkar ka ieng ha ka kam ia khalai.
Ka HITO ka kyntu ia u Lamphang ka iing dorbar ba un shim khia ia kane ka phang namar tang ka iing dorbar kaba lah ban weng ia kano kano ka ain kaba la shna da ka iing dorbar, ia ka shithi la soi da u President u bah Donbok Dkhar bad u General Secretary bah Wanhun N Dkhar.
