Shillong, Risaw 17: Mynta ka sngi ka party Congress kala pynlong ia ka elekshon ha ka ri baroh kawei ban jied ia u President ba thymmai jong ka All India Congress Committee ha kaba ki kyrtong ki don ar ngut, u Mallikarjun Khagre bad u Shashi Tharoor.
Ha Meghalaya ruh ka party Congress kala pyndep ia ka jingjied ia u President ka AICC, ka jylla Meghalaya mynta ka kynti ka don tang 56 ngut ki nongjied ia u President ka AICC, ka daw ba na ki saw tylli ki konstitwensi ki la mih noh na ka party Congress.
Ha kane ka elekshon kaba mynta na ki 60 ngut kiba la lah ban thep vote kidon tang 56 ngut, ka party kam don ruh ia ki nongthep vote kiba dei na Legislature party namar ba ym don MLA.
Kiba la thep na pdeng kiba kham part ha ka party ki long u President ka MPCC u bah Vincent H Pala, ka kong Wansuk Syiem, Dr RC Laloo bad kiwei kiwe ki ba la shah jied ban lah ban thep vote kila ia poi lut bad ka jingthep vote na Meghalaya ban jied ia u President ka AICC ka long 100%.
U bah Vincent H Pala haba kren ha ki lat pathai khubor la ong ba kala don ka jignthoh kaba ong ba ym bit ban ia kanbas iano ban thep hynrei la ailad ia ki nognjied ba kin jied ia u no uno u kyrtong kaba ki mon.
U Bah Pala la ong ba ka dei ka jignshisha ba ki nongialam kiba ha khmat jong ka party kidon bad u Mallikarjun Khagre, hynrei ki nongkyrshan ka party pat ki don la ka jong ka jingpyrkhat, hynrei lada jop mano mano ruh kan long ban ia treilang ban pynkhlian ia ka party.
Kitei ki kyrtong baroh ar ngut kidei ki briew kiba la ieh bha ha ka sain pyrthei, u Khagre u la long MLA, MP bad u Shashi Tharoor u la ong MP la lai sien bad dei ruh u la ba bha ha ka pyrthei ruh, lada jop mano mano kampher namar baroh ar ngut ki don la ka jong ka jingtbit ba kyrpang bad ka jingduna kum ki briew.
Ban pyniaid ia ka elekshon jied president AICC ha Shillong ki bor ba ha khlieh jong ka party Congress kila phah ia u Rekibuddin Ahamed MLA na Assam ban long kum u ophisar ban peit ia ka elekshon jied AICC President ha Meghalaya.
