Baroh 60 ngut ki MLA ki dei ban leit sha Delhi ban dawa pyntrei kam ia ka ILP ha Meghalaya

Shillong, Naiwieng 03: Mynta ka sngi ki san seng kiba kynthup ia ka HYC, HANM, CORP, EJNU bad ka JNM mynta ka sngi kila leit ban ia kynduh ia u symbut myntri rangbah ka jylla u bah Prestone Tynsong ban ia kren ba ka sorkar ka dei ban pyntri kam noh ia ka ILP bad ban pynrung ia ka ktien khasi sha khyrngit kaba phra ka riti synshar ka Ri India.

U Bah Lamphrang Kharbani president ka HANM haba kren ha ki lat pathai khubor ha dien ka jingialang la ong ba ka jingiakynduh jong ki ia u bah Prestone ka long ba dawa na ka sorkar jylla ba kin leit ia kren bad ka sorkar Delhi ban pyntrei kam noh ia ka ILP ha Meghalaya bad kum juh ban pynrung noh ha ka khyrngit kaba phra ka Riti Synshar ka Ri India.

Ha kane ka jingiakren bad u Symbut myntri rangbah ka jylla ka san seng kila kren shai ba kane ka sorkar MDA ka dei ban leit ban ialam ia baroh 60 ngut ki MLA sha Delhi ban dawa na ka sorkar pdeng ban pyntrei kam ia kitei ki ar tylli ki jingdawa ki paidbah ka jylla.Ha kane jingiakren la ong ba shwua ban pynbna ia ka election dei ban pyntrei kam ia ka ILP ha kane ka jylla.

Ki san seng kila ioh sngew ba u myntri rangbah duh jong ka Ri India u Narendra Modi bad u myntri kam pohiing ka sorkar pdeng u Amit Shah kin wan sha Shillong, lada wan mano mano ruh ki 60 ngut ki MLA ki dei ban ia kynduh ban dawa ban pyntrei kam noh  ia kaba kila dawa.

U bah Robert Kharjahrin la iathuh ba kila ia kren ruh ia ka bhah kam kyrpang, na ka liang jong u symbut myntri rangbah la ong ba kane ka kam ka dei kaba ktah bha, hynrei na ka liang jong ki san seng kila ong ba kam long ban shu khylli pat naduh u snem 1972 ban pynbeit mynta.

Kane ka jingpynbeit ia ka jingthung kam ka long noh shiliang sha ba palat, lada kim pdiang ia kane ka bha ban ia khlad lok noh, kumba ka long lada jia kumne kam ktah ia ki samla wat kam kiba dei na Khasi bad Jaintia Hills. U symbut  myntri rangbah u la ong ba kin sa ia pyrkhat bha.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet