Shillong, Naitung 31: U Deputy Chief Minister jong ka sorkar jylla u Bah Prestone Tynsong u la ong ba ka jingdon ka pisa ha ka sorkar jylla ka dang biang, kam pat don kano kano ka jingeh na ka bynta ka jingdon kam ha ka jylla.
Ha ka juh ka por u la iathuh ba baroh ki jylla ha ka Ri India kim pat ia ioh ia ka bhah kaba dei ki ban ioh namar bay m pat lah ban pdiang ia ka mang tyngka jong ka sorkar pdeng hapoh Parliament.
La ong ba ha dien ba la dep ban pdiang ia ka mang tyngka jong ka sorkar pdeng hapoh parliament, ki jylla kin sa ioh ia ka bhah ka jong ki kaba ki dei ban ioh la ong ba shen ka parliament kan sa pdiang ia ka mang tyngka.
Ha dien ba ka sorkar pdeng kan pdiang ia ka mang tyngka, ki jylla kin sa ioh ia ka pisa kaba dei ka bhah ka jong ki bad kum juh ka jylla Meghalaya ruh kan sa ioh ia ka bhah kaba ka dei ban ioh.
