Shillong, Risaw 14: Mynta ka sngi hapdeng ka por 3.30 baje bad 4.00 baje jan miet kala don ka jingbeh kynsan ka eriong hapoh ka shnong Umden jong ka Ri Bhoi District ha kaba bun ki iing kila jular bad dkut ruh ki ksainar light hapoh ka shnong.
Katkum ki jingtip kiba la ioh kat haduh ba thoh ia kane ka khubor ym pat ioh jingkhein katno tylli ki iing kiba la shah pynjulor, lane la don ne em kiba mynsaw ha kane ka jinglynshop ka mariang, hynrei bun ki ksainar light kila dkut namar jong ka jinghap ki tnad dieng.
Katkum ka jingtip kiba la ioh la ong ba ka jingjulor jong ki iing ka dei na kadaw jong ka jingshah ban ha ki tnad dieng namar ka jingkdiah na ka jingbeh kyrthep ka eriong kaba la neh tang hapoh shiteng kynta ei ei.
Haba kren ha u SP News Agency u Rangbah shnong jong ka Umpyrdong u bah Korinth Makri u la ong ba haduh mynta kim pat tip bha katno ka jingshah ktah kala ktah ia ka shnong namar ka dang shujia bad la shai ka sngi la lah ban ioh ia ka jingkhein kaba thikna.
Na ka liang jong u rangbah shnong u la pynthikna ba ka jingkular kala don ha kane ka jinglynshop jong ka Mariang. Kiwei pat ki lat khubor kila iathuh ba ka jingkdiah ki tnad dieng kala sdang shuwa ban poi sha shnong Plasha ka thain Umden.
