Shillong, Jylliew 13: Ka North Eastern Council (NEC) kala pyntip paidbah ba ha u bnai Jymmang lyngba ka tnad DoNER kala pynlait pisa ban jurip bniah ia ki lai tylli ki jaka ban pynmih bording eleltrik ha ka jylla Meghalaya.
Ka NEC kala pynlait pisa T.51,90,965/- tyngka ban jurip bniah ia ka Myntdu Leshka HEP Stage-II ka ban pynmih bor ding 3×70 MW, kaba hap ha pdeng ka East bad West Jiantia Hills District, ban jurip ia ka Selim HEP ha West Jiantia Hills District ka ban pynmih bor dong 2X85 MW.
Katba ka jingjurip ia ka Mawblei HEP ka ban pynmih bor ding 140 MW ha West Khasi Hills District la mang pisa T.28,80,103/- tyngka, kane ka jingpymlait ia ka tei ka pisa ka long ban ioh ban sdang ban jurip bniah ia katei ka jaka ban pynmih bor ding.
Ka NEC kala pynlait pisa ruh T.1,52,58,750/- tyngka sha ka Umling Block ha Ri Bhoi District ban buh ia ka jaka ri shniag bad ha ka juh ka por ban ri dohkha hapoh ka shnong Jirang ha Ri Bhoi District bad la pynlait ruh ia ka pisa kaba T.33, 97,837/- tyngka ban pynih ia u shynrai ba khlem pyndon kam dawai ha ki Block ha Ri Bhoi District.
