Shillong, Nailur 18: Ki seng bhalang na Garo Hills kila thoh sha u myntri ka tnad sam um bam umdih jong ka sorkar jylla u Bah Prestone Tynsong, ban pynpaw ia ka jingsngewbitar halor ka jingkhang noh ki bor ba deipeit ia ka Chokpot PHC ia ka surok ba dei iaid ki paidbah ha katei ka shnong.
Kine ki seng bhalang ki kynthup ia ka GSU, FKJGP bad ka ADE, ha ka jingthoh kaba kila ai sha u tei u myntri jong ka sorkar jylla kila ong ba kane ka jingleh jong u doctor ba dei peit ia kane ka PHC ban ker kynroh noh ia ka lynti iaid jong ki paidbah, na ka liang jong ki seng bhalang na Garo Hills ki pyrshah jur.
Halor kane ka jingeh jong ki paidbah kum ki seng bhalang kila la leit ban jngoh bad ki lap ba kane ka suok kaba ki paidbah ki pyndon kam ka ialam sha bun ki jaka ba ki paidbah ki leit don kam man ka por, namar kane ka surok ka leit sha ka ophis jong ka Post office, ka pyniasoh ruh iaki ar tylli ki skul da kane ka jingkhang ia kane ka lynti iaid paidbah kala ktah shibun iaki paidbah.
Na ka liang jong ki bor ba dei peit ia kane ka jaka ai jingsumar jong ka sorkar kila kynnoh ba kila ker ia kane ka surok ban lait na ka jingshah klum ha ki paidbah, hynrei ha ka jinglap jong ki seng bhalang ka long ba kane ka surok ka dei kaba kipaidbah ki pyndon kam kaba iaid na jan jong ka PHC, na ka liang jongu Nokma ruh um shym la ai jingbit ban ker kynroh ia kane ka lynti.
Ka skul kaba dei ban iaid lyngba kane ka surok ka dei kaba juh pynlong examin ka MBOSE, nalor kata ka iing bishar jong ka shnong ruh ka don kane ka jaka da ka jingkhang ia kane ka lynti kala ktah ia baroh ki paidbah hapoh jong kane ka shnong kaba dei ka headquater jong ka Chokpot Civil Sub Division.
