Shillong, Jylliew 15: Ka North Eastern Hills University kala pynbna ha ka miet sngi ba ar ia ka result phainal jong ka B.Com Honours & Pass Final, result jong ka BA (Honours & Pass, ka result B.Sc (Honours & Pass) kaba dei jong ka phainal na ka bynta jong snem 2016 ha kaba ia ka eksamin la pynlong ha u bnai Iaiong mynta u snem.
Bun na ki samla pule kila ia mareh na kawei ka cyber café sha kawei pat ban ioh print ia ka result jong ki ban ioh ia ka mark sheet hynrei ka website jong ka NEHU kam shym la trei kam bad kane kala pynbitar ia ki samla pule bad kila ong ba ka long ka jinglehraiñ ia kane ka sul bah ban pynmih ia ka result katba ki khynnah kim ioh ban print.
U Dr L Cajee Controller of Examination jong ka North Eastern Hills University haba kren ha u SP News Agency u la pynshai ba ka don ka jingthut ha ka server jong kane ka skul bah ha kaba ia dei bad ka bynta ban thep ia ki mark sheet jong ki samla pule, u la ong ba ki dang pyrshan ban pynbha ba la kumno kumno mynta ka jan miet ki khynnah kila dei ban ioh print ia ki mark sheet jong ki.
La iathuh ruh ba ia ki orginal mark sheet jong ki kin ialeh ban pynpoi sha ki college ba ki pule hapdeng hynniew bad shiphew sngi.
