Shillong, Nailar 02: Ka seng JSU ka dang bteng beit naphang ban khynra naphang ki bar jylla kiba wan sah wan trei hapoh ka ri lum Jaintia bad ka seng ka lah kyrpad ruh iaki Dorbar shnong ba kim dei satia ban shu ai NOC iaki bar jylla bad dei ban da pyrkhat bha namar ka ktah kylla iaka khaìi pateng ki trai jylla .
Ha kine kine ki sngi ba lah dep ka seng JSU kum ka dak ba leh mynthi ka sorkar ban ai ILP iaka jylla halor ba lah dep ban pynsngew sha ka sorkar pdeng lah bunsien lyngba u Union Home Minster.
Ka seng ka dang bteng beit ia ka jingkhynra ia ki kot ki sla ka bar jylla bad ka seng ka lah dep pyntip sha ka JHADC bad ka JHADC ka dang buh teng iaka jingkhynra wat hadien ba ka seng ka lah dep ban phah shithi sha ka Council ban iatreilang halor kane ka jingkhynra iaki dukan ki bar jylla hapoh ri lum Jaintia.
Ka JSU Syndai Unit kum ka jingbteng iaka jingkhynra mynder ha poh ka ri lum Jaintia ka lah leit khynra ia ki kot ki sla jong ki bar jylla kiba wan trei bad ka company Airtel hapoh ka shnong syndai mission la ia don lang u President jong ka JSU Syndai Unit Pynshailang Suliang vice President u Bankerlang Lamurong bad kiwei.
kane ka jing leit khynra ia ki kot ki sla jong ko bar jylla ka Seng ka lap ba baroh naki ka biang ki kot ki sla bad ka seng ka la phah ruh ia ki ba kin leit phai noh ynda ki la dep ban trei ia ka towar network jong ka company Airtel.
