Shillong, Lber 29: Ka Deputy Commissioner jong ka South West Khasi Hills District, ka kong Isawanda Laloo, ka bthah ia baroh ki myntri shnong kiba hap hapoh jong ka District lada don kano kano ka shnong kaba shem jingeh ban ioh khaw kin pyntip bad ka ophis kin sa leh ia kaba don kam.
Haba ia dei bad ka jingud ba la kyrduh khaw ha ki thain Photkroh, Panshiring, ka DC kala iathuh ba la phah sha kine ki jaka bad lada la dei ban la lut la shai ka sngi yn poi biang u khaw kin sa ia sam sha ki iing kiba don shisha ka jingkyrduh khaw.
Kum ba ka long mynta u khaw na Shillong ruh ka jynjar bah ban pynlait, na ka liang jong ka District Administration la bthah ia ki myntri shnong ba kin pyntip sha ophis lada don kano kano jingeh khnang ban phah na ophis. Haba ia dei bad kitei ki ar tylli ki jaka pat ka jingtip kaba bniah lah ban ioh na ka u SDO Civil.
