New Delhi, Jymmang 18: Ka Food Safety and Standards Authority of India (FSSAI) ka la bthah ia ki nongkhaii soh bad nongtrei ha ki kam die soh bad ki Food Business Operator (FBO) kiba trei ha ki jaka ba pynih ia ki soh ba kin bud ia ka jingkhang ban pyndonkam ia ka calcium carbide ban pynihkloi kloiia ki soh khatam ha kane ka aiom sohpieng.
Ka FSSAI ka la ai jingmut ruh ia ki tnat Food Safety jong ki Jylla bad UT ba kin long kiba peit bniah bad shim ia ki sienjam ba khlain ban pynshitom ia kinokino kiba leh ia kum kine ki kam beain hapoh ka FSS Act, 2006 bad ki kyndon hapoh kane ka ain.
Ka Calcium carbide, kaba ju pyndonkam ban pynihia ki soh kum u sohpieng ka pynmih ia ka gas acetylene kaba don ia ka arsenic bad phosphorus. Kine kiba ju tip kum ka ‘Masala’, ki lah ban ktah bha ia ka koit ka khiah bad wanrah ia ka jingking khlieh.
Ka jingthangrang um, ka jingdait, ka jingtlot bad ka jingeh ban nguid, ka jingprie bad ki ulcer ha ka sniehdoh. Shuh shuh, ka gas acetylene ka ktah ruh ia kito kiba pyndonkam ia ka. Ka don ka jingma ba ka calcium carbide ka lah ban bit ha ki soh bad iehia ka arsenic bad phosphorus ha ki soh.
Namar kine ki jingma, la khang ia ka jingpyndonkam ia ka calcium carbide ban pynih ia ki soh hapoh ka Regulation 2.3.5 jong ka Food Safety and Standards (Prohibition and Restrictions on Sales) Regulations, 2011.
Kane ka ong, “Yn ym don manomano ban die lane tyrwa ban die lanena ka bynta ka jingdie hapoh kanokano ka rukom batai, ia ki soh kiba la pynih da kaba pyndonkam ia ka gas acetylene kaba tip ruh kum ka carbide gas.”
Ha kaba iadei bad ka jingroi ka jingpyndonkam ia ka calcium carbide ba la khang, ka FSSAI ka la ai jingbit ban pyndonkam ia ka gas ethylene kaba long ka lad kaba kham shngain ban pynih ia ki soh ha India. Lah ban pyndonkam ia ka gas ethylene gas ha ka jingkhleh kaba haduh 100 ppm (100 μl/L), katkum ka jinglong jong ki mar rep.
Ka ethylene, ka dei ka hormone kaba don ha ki soh bad kane ka don jingiadei bad ka jing ih bad kiwei kiwei ki jinglong jingman jong ki mar rep. Ka jingpyndonkam ia ka gas ethylene ha ki soh bym pat ih ka pyndang ia ka jing ih jong ki haduh ba ki soh ki lah ban pynmih hi dalade ia ka ethylene khnang ba kin ih.
Shuh shuh, ka Central Insecticides Board and Registration Committee (CIB & RC) ka la ai jingmynjur ia kaEthephon 39% SL na ka bynta ka jing pynihia ki sohpieng bad kiwei kiwei ki soh.
Ka FSSAI ka la pynmih ia ka jingbatai kaba bniah “Artificial Ripening of Fruits – Ethylene gas a safe fruit ripener” (https://www.fssai.gov.in/upload/uploadfiles/files/Guidance_Note_Ver2_Artificial_Ripening_Fruits_03_01_2019_Revised_10_02_2020.pdf) ha kaba ka la ai jingmut ia kito kiba trei ha ki kam pynmih mar bam ba kin bud ia ki rukom pynih ia ki soh.
Kane ka batai ia ka Standard Operating Procedure (SOP) da kaba peit bniah ia baroh ki bynta jong ka kam pynih ia ki soh da kaba pyndonkam da ka gas ethylene ba kynthup ia ki Jingtehlakam, ki Jingdonkam ha ki jaka pynih ia ki soh da kaba pyndonkam ia ka ethylene, ka rukom pyndonkam, ki tyllong jong ka gas ethylene, ka rukom pyndonkam ia ka gas ethylene na ki tyllong bapher bapher, ka rukom treikam hadien ba la dep pynih, ki sienjam na ka bynta ka jingshngain bad kiwei kiwei.
Haba ki briew ki shem ia ka jingpyndonkam ia ka Calcium Carbide lane kano kano ka jingleh bakla ha kaba iadei bad ka jingpynih ia ki soh, ki lah ban ai jingtip sha u Commissioner of Food Safety ha ka jylla ban pynshitom ia kum kine kiba pynkhein ia ka ain. Ia ki jingtip shaphang ki Commissioner of Food Safety jong baroh ki Jylla bad UT lah ban ioh hangne: https://www.fssai.gov.in/cms/commissioners-of-food-safety.php.
