Buh ka KSU ia ka dur mot u myllung Soso Tham ha ka lyngkhuh sngi iap ba 80 ha Sohra

Sohra, Nohprah 18: Ka rakhe kynmaw ia ka lyngkhuh snem sngiiap ba phraphew jong u Myllung SosoTham ha Sohra ka la long ka ba phuh ba phieng ba la tei mot ha ka thaw paidbah haka shnong trai jong u hi ha Saisohpen.

Ka Khasi Students’ Union, Sohra Unit ka la pynieng ia u motdur ba shongkhia ha lad bah jong ka shnong Saitsohpen bad la sdang ia ka jingrakhe da ka jingiaid paidbah na Nongsawlia haduh Saitsohpen ba la lamkhmat da u khliehduh bad Saiñpyniar ka KSU Sohra Unit ha ryngkiat ka ka ksing ka dhah bad tangmuri ryngkat bad ki samla ki ba shad tynrai artat lynti lynti haduh ban da poi ha lad ba la pynieng ia u motdur jong u Myllung Soso Tham.

La plie ia u motdur da u Kongsan u ba long u Khliehduh ka KSU Sengkmie, u samla Lambokstarwell Marngar bad la pynher ia ka lama jong ka KSU da u Khliehduh ba mynshwa, u Bah Daniel Khyriem ha ka ba la don ryngkat ki kynrem ki lyndan ki ba kynthup ia u Dr D R L Nonglait, Khliehduh ka Khasi Authors’ Society, ki rangbah na ki kyntoit shnong Sohra bad ki samla KSU na kiwei kiwei ki shnat jong ka jylla.

Ha ka jingkren jong u kongsan, Bah Lambokstarwell Marngar u la pyrto ia ki kam ba radbah jong u Myllung Soso Tham ha ka liang ban kyntiew ia ka thoh bad ka pule Khasi. U Bah Marngar u la nam ia ki kam bakhraw jong u Myllung Soso Tham ‘Ka jingkylla Khasi jong kiwei ki kot na sha shiliang duriaw ka la long ka thiar jingtip ba la pule pateng la pateng ha ki shlem pule’.

Ha kane ka khep ba la don ka jingiakhun ban pynrung ia ka ktien Khasi ha ka Khyrnit ba phra jong ka Riti Synshar jong ka Ri India, u Bah Marngar u la kynmaw tympang ia u synñiang jong u Myllung Soso Tham ba ki simpah simsong lyngba ki ryta haduh mynta mynne ki dang iai pyrto.

Na ka liang jong u bah Daniel Khyriem pat u la kren shitrhem halor ki jingjia ki ba la ktah ia kaimlang sahlang khamtam ka jingiap jong u samla nongialam KSU, S Hynñiewta ha ka kti ki mynder ha Ichamati mynshym snem. Kumta u la kyntu ba ki dkhot jong ka Seng ki dei ban iai ialeh na ka bynta ka jaitbynriew ha ba wan ka saw ka sian bad ka jingshah thombor na ka Sorkar Kmie lyngba ki aiñ ki ba pyrshah ia ka bha ka miat jong ka thaiñ.

Kiwei kiwei ki ba la kren ha ka ta ka sngi ki long u Dr D R L Nonglait, u samla KSU Ribokstar Diengdoh, u sordar Saitsohpen Bah SamuelKharmalki, u rangbahkur na ka Kur Tham bad katto katne ki samla KSU ba kynthup ruh ia u samla Mesadap Skhembill ba la kren pdiang sngewbha bad Vicky Mawnai ba lakren ai khublei ia baroh ki ba la shim bynta ha kata ka sngi.

Kum ban sah kynmaw ia ka sngi khraw, ka seng ka lapynkup burom ia u samla Shemphang Synrem u ba la prat lynti ban pynehrngiew ia ka kyrteng Sohra da ka ba pynduh pyndam noh syndon ia ka kyrteng sin Cherrapunjee.

Ka KSU Sohra Unit ka la pyrto ruh ia u Bah Aiban Shngaiñ Mawkhroh u ba la puidshin (design) ia u mot bad ia u Bah Raphael Warjri ba la pynbit pynbiang ki barikor na ka synjuk Riti Academy ba la lamkhmat da u samla Skhemlang Hynñiewta ban shtahdur iau motdur jong u Myllung Soso Tham.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet