Shillong, Kyllalyngkot 10: U Myntri Rangbah ka jylla u Conrad K Sangma mynta ka sngi u la buh ia u Mawnongrim ban tei ia ka ophis ba thymmai jong ka Block ha Chokpot bad kum juh ia ka Degree College ha katei ka jaka ha South Garo Hills District.
Ka sorkar kala dep ban mang pisa T.2 Klur ban shna ia ka ophis jong ka block kaba thymmai bad na ka bynta ka Degree College la mang pisa T.2.81 klur tyngka ia kaba la bei pisa lyngba ka NEC.
Haba kren ha ka jingialang paidbah u myntri rangbah ka jylla u Conrad K Sangma la ong ba da kaba shna ia ki iing ophis kiba thymmai kan iarap ruh ia ka rukom pyrkhat kaba thymmai bad kan kyntiew ia ki briew jogn kane ka thain Chokpot. Kumba ka sorkar kala kut jingmut ban kyntiew ia ka thain kaleh bad pyni da ki kam.
Haba kren ha ka liang ka pule puthi la ong ba kane ka College kan iarap ia ki samla pule kane ka jaka ban kyntiew ia ka pule puhti bad ka sorkar ka kwah ba ki samla pule kane ka thain ruh kin ioh ia ki jingmyntoi kumba ioh lem kiwei.
Ha kane ka sngi u myntri rangbah u la batai bniah ha kaba ia dei bad ka skhim ki nongrep ka FOCUS, ha kane ka sngi la sam ruh ia ki jingiarap sha ki 53832 ngut ki briew kaba la kot sha ka T.26.91 klur.
