Dudhnoi, Lber 04: U Myntri Sorkar Pdeng ba dei khmih ia ki TnatPorts, Shipping & Waterways bad Ayush, SarbanandaSonowalu la buh maw nongrim ia ka Ayurvedic College kaba ar ha Assam naduh ba la ioh ia ka jinglaitluidhangne mynta ka sngi.
U Sonowal u la buh maw nongrim ruh lyngba ka bor internet nangne ban shna iaartylli ki Ayush hospital ba 50 jingthiah ha Mowamarirjhar ha Kokrajhar bad ha Silbari ha Baksa. Ia ka college ba thymmai yn shna ha ka jinglut kaba T. 70 klur.
Ka Tnat Ayush ka la ai jingmynjur ia ka jingtyrwa ban shna ia ka Ayurvedic College ha Dudhnoi ha Goalpara ha u snem 2022 -23. Lah ban kdew ba ia ka Ayurvedic College ba nyngkong la shna ha u snem 1948 ha Guwahati da u Bharat RatnaLokPriyaGopinathBordoloi.
Ia ki Ayush hospital ba 50 jingthiah yn shna ha ka jingbei tyngka kaba T. 30 klur. Ka college kan don kawei ka G+3 College building,kawei ka hostel jong ki shynrang, kawei ka hostel jong ki kynthei, quarter jong ki nongtrei, Quarter jong u principal, ki tiar, ki tiar furniture, ki kot bad kiwei kiwei.
Ka college, ka ban don marjan bad ka Integrated Ayush Hospital, ba la plie da u SarbanandaSonowal ha u bnai Naitung , 2023, yn shna ha ka jaka kaba 93 bigha. Ka Tnat PWD jong ka jylla kan long ka kynhun ka ban pyntrei bad yn pyndep hapoh 30 bnai.
Ha ka jingai jingkren ha ka jingialang, u Myntri Sorkar Pdeng, SarbanandaSonowal u la ong, “Hapoh ka jingialam ba tbit jong u Myntri Rangbah duh, Narendra Modiji, ka Assam ka ioh ia ki jingmyntoi ba bun jong ki sienjam ba iadei bad ka bha ka miat kaba pynkylla ia ka jingim jong ki briew bad kyntiew ia ka jinglong ka jingim jong ki ba manla ka sngi.
Ki rukom ai dawai tynrai jong ngi ki la shah iehbein hapoh ka jingialam ka sorkar Congress, kaba ialam sha ka jing bym iohiia ka, tad haduh ba la shim ti u Narendra Modiji.
U Modiji u la pynkylla ia ka rukom ai dawai tynrai, lyngba ka pateng ba riewspah jong ka, bad pynkup bor ia ka ban long ka bor kaba khlain. Ka Ayush, kaba don ia ki lad jingsumar bad ki jingpynbeit ban iarap ia ki briew, ka la don hakhmat ha ka jingiakhih na ka bynta ka bha ka miat ha kylleng ka pyrthei.
Ka Assam, kaba riewspah ha ka jingdon shibun ki jingthungjingtep, ka don ia ka histori kaba riewspah ha ki rukom ai dawai tynrai ka la ai jingkoitjingkhiah ia ki pateng. Palat hynniew phew snem, kaba bun kadei hapoh ka jingsynshar ka Congress, ia kane ka bor kaba kyrpang jong ka Assam la leh klet.
Kalong shisha ka khyllipmat jong ka jingsngewsarong kaba khraw ba u Narendra Modiji u la plié shibun ki lad na ka bynta ban kyntiew ia ki kam ba iadei bad ka Ayush ha ka jylla. Kalong kaba sngewkmen ba ngi lah ban bteng ia ka burom jong u LokPriyaGopinathBordoloi na ka bynta ka Ayurveda lyngba kane Ayurvedic College ba thymmai.
Hadien u snem 1948, haba u BordoloiDangoriya u la ai ia ka Ayurvedic College ba nyngkong ia ka Assam ha Guwahati, mynta ngin ioh ia ka college Ayurvedic kaba ar ha Dudhnoi, hadien ka jingsahkut kaba 76 snem.
Hapoh ka jingialam ba ai mynsiem jong u Myntri Rangbah duh Narendra Modi, kila kut jingmut ban wanrah ia ka rukom ai jingsumar kaba khlain ha ka ri, kaba khlain ha ka jingpyniasoh ia ki rukom sumar tynrai bad ki lad ai jingsumar katkum ka juk mynta na ka bynta ban tei ia ka Swastha Bharat, ka nongrim kaba ngin sa kot sha ka thong jong u Modiji ban long ka Viksit Bharat.
Ka college ba thymmai ha Dudhnoi ka lah ban pynrung 100 ngut ki samla pule ki ban pule ia ka undergraduate course (BAMS). La pynkhrehia ki kyndon ban sdang ia ki jingpule postgraduate hadienhabud.
Ki jingdon jingem ki kynthup ia ka jaka wad bniah kaba plié lad ia ki jingwad bniah bapher bapher, ha ka jingpeit bniah ban kyntiew ia ka kum ka jaka pdeng jong ki jingnang jingstad ha ki kam ban thung ia ki jingthung ba long dawai ha baroh kawei ka thain.
Ki samla pule kin ioh lad ruh ban ioh jinghikai ha ki jingiada ia ki jingpang bad ki jingsumar ha kaba yn don ruh ki jingai jingshakri OPD bad IPD kiba ai jingsumar ba kyrpang kum ka Panchkarma, Kayachikitsa, Vata-Vyadhi, Rasayana, Vajikaran, Lifestyle and Metabolic disorders, Yoga bad kiwei kiwei.
Ka college kan long kum ka jaka pdeng na ka bynta ki jingpule ha ka Ayurveda ryngkat bad ki lad wad bniah bad ka jingsumar ia ki nongpang. Yn don ruh ka jingai jingshakri ha kaba iadei bad ka jingpynkylla ia ka rukom im ryngkat bad ka jaka sumar kaba kyrpang ban sumar ia ka jingpang Neuromuscular disorder, Psychological disorder, metabolic disorders bad kiwei kiwei. Ha ka campus yn ruh ka jaka thung ia ki kynbat bad ka jaka shna ia ki dawai Ayurvedic, bad ka jingpeit ia ka jingbha jong ki dawai.
Ka Tnat Ayush ka la pyllait T. 139.11 klur kum ka bhah jong ka sorkarpdeng sha ka jylla Assam haduh u 2023-24. Ka Tnat ka la ai jingmynjur palat 8 tylli ki integrated Ayush hospital, ha kaba 2 tylli ki la treikam. Ka Tnat ka la ai jingmynjur ruh 500 tylli ki AyushmanArogyaMandir, ha kaba 289 tylli ki la treikam. La ai jingmynjur ia 100 tylli ki Ayush dispensary ba thymmai bad la nang shna ruh.
Ka IntegratedAyush Hospital ba thymmai ha Dudhnoi ka la ai jingsumar ia hajar ngut ki briew naduh ba la sdang treikam ha u bnai Naitung, 2023. Jan 10,000 ngut ki briew ki la ioh jingsumar ha kane ka hospital. Kane ka hospital, ba la shna ha ka jingbei tyngka kaba T. 48 lak, ka ai 73 jait ki dawai Ayurvedicia ki nongpang kiba don ki jingshitom bapher bapher.
Ha kane ka jingialang la iadonlang ruh u Myntri ka tnat ka koit ka khiah, Information Technology, Sorkar Assam, KeshabMahanta; Chief Executive Member (CEM), RabhaHasong Autonomous Council (RHAC), TankeswarRabha bad ki heh ophisar jong ka sorkar jylla bad sorkarpdeng.
