Shillong, Risaw 15: U Myntri Rangbah ka jylla u Conrad K Sangma mynta ka sngi u la buh ia u Mawnongrim ba tei ia ka Indoor Stadium ha ha Lawsohtun kaba shongdor T,8 klur tyngka ha ka jingia don lang u MLA kane ka jaka u bah Hamletson Dohling.
Kane ka Stadium kaba yn sa tei kan don ia shibun kiwei ki bynta ia kiba yn lah ban pyndon kam ha kiba bun ki bynta nalor ki jingialeh kai kiba lah ban ia lehkai ha kane ka jaka bad kane kan pynmyntoi ia ki khun samla kane ka jaka.
Ia kane ka jaka ialehkai kaba yn shan ka wan na ka skhim ‘Khelo India’ ha kaba ka jingbei pisa ia kane ka stadium kan long ha ka jinglut kaba mar 50% hapdeng ka sorkar pdeng bad ka sorkar jylla. Ka sorkar jylla kan sei ia kane ka pisa na ka mang tyngka jong ka jylla.
Ha kane ka sngi ban sakhi ia kane ka sngi la don lang ki nongkit kam shnong ki nongshong shnong jong ka shnong Lawsohtun ha ryngkat ki heh ka tnad ia lehkai jong ka sorkar jylla.
