Shillong, Nohprah 12: Ka Deputy Commissioner jong ka East Khasi Hills District ka kong R M Kurbah kala iathuh ba ka sorkar pdeng kala buh thong ban pynioh tyndong lyer shet thymmai shilak tylli ha East Khasi Hills District bad la dep ban bthah ia ki nongialam shnogn ba kin pyntip ia kane sha ki paidbah.
Haba kren ha u SP News Agency ka kong Kurbah kala ong ba kane ka long tang ha East Khasi Hills District, kala kynti ia ki paidbah ba kin shim iakane ka kabu namar ka sorkar ka ai ei ban shim thymmai tang shisien kane ka long ban pynneh pynsah ia ka mariang.
Ka jingeh kaba khraw tam mynta ka long ban ialeh ban pynneh pynsah ia ma mariang ban lait na ka jingpom pathar ia ki dieng ki sien, da kaba pyndon kam ia ka lyer shet kan iarap shibun ia ka mariang ban ialeh ban pyniaid biang ia ka mariang kaba khuid.
Na ka liang jong ka DC ka East Khasi Hills District ka kyntu ia ki paidbah ban shim ia kane ka kabu kaba dang ioh ei ban shim thymmai ban ioh ia ka tyndong lyer shet kaba thymmai kum ka jingiatreilang ban iada ia ka mariang na ka jingjop.
Ka jingeh kaba khraw tam kaba ia kynduh mynta ka long ba kumno ban ia da ia ka mariang bad kane ka dei kawei na ki bynta ban iada,haba la pyndon kam ban shet da ka tyndong lyer kala duna ka jingpom ia ki dieng ki siej haba pyndon kam haba shet jingshet, kane ka long kawei na kilat jingiada.
