Shillong, Lber 02: Ki don bun ki skhim sam um lyngba ka Jal Jeevan Mission (JJM) kiba don bam ban shu pom ia ka um ki dang sah kut namar bym pat ioh ia ka ding eletrik bad kane kala dei ka jingeh ban pynsted ia ka jingpynpoi ia ka um sha ki iing ki snem.
Ki don ki skhim kiba la ioh ia ka jingmynjur shuwa ban kut ka snem mang tyngka jong u snem 2022-2023, kumta ban pyndem ia kine ki skhim ka long kaba eh shisha hynrei na ka liang jong ka tnad sam um ka jylla kala shim ia baroh ki lat ki lynti ban pyndep ia ki ha ka por ba la buh.
Na ka liang jong ka sorkar kan nym lah ban pynioh um 100% sha baroh ki long iing kumba la buh thong dei na kine ki jingeh kum ka light, ka jingioh slem ia ka jingpang pisa, ka jingslem ban ioh ia ka jaka namar ban shna ia ki top up bad ban ioh ia ka tyllong um.
Ha kane ka skhim JJM ka sorkar kala buh ia ka thong 6,51,412 lak ki tnum iing ban pynpoi um sha ki iing ki sem, hynrei kat haduh ka 13.2.2024 dang lah ban pynpoi haduh 4,84,698 tylli ki long iing kiba la ioh ia ka um.
Ban poi sha ka thong kumba la buh ban pynpoi um sha baroh ki long iing kumba la buh thong ha ba kut mynta u snem Lber 2024, ka sorkar kan mym lah ban pyndep na kidaw ba kid on ki jingeh, kane ka dei na ka jingjubab u myntri ka tnad PHE u Marcuise N Marak ha iing dorbar.
