Shillong, Nailar 15: Ka seng BJP ha ka Ri baroh kawei ha une u snem ba mynta kala shim ia ka rai ban kynmaw kyrpang ia ki riew khla wait jong ka Ri kiba la aiti bad len lade na ka bynta ban pynioh ia ka jinglaitluit jong ka Ri na ka jingsynshar jong ki 
wei.
Ha kane ka jylla ruh kane ka party BJP Meghalaya Unit hapoh ka jingialam jong u president jong ka seng u Bah Shibun Lyngdoh kila sdang ia kane ka jingrakhe kaba kyrpang ha ka 9 tarik bad kin pynkut a ka 23 tarik mynta u bnai ia kane ka jingleh burom ia ka sngi Laitluit jong ka Ri.
Ha ka sngi rakhe ia ka sngi ioh Laitluit, ha kane ka nongbah Shillong ka seng BJP kala pynlong ia ka jingiaid paidbah, da kaba sdang na ophis jong ka seng na Lower Lachumier bad iaid sawdong jong kane ka nongbah bad da kaba leit leh burom ia ki durmot jong ki nongialeh lait luit jong ka Ri kiba don ha kane ka nongbah Shillong.
Ka seng kala leit ban pyndon burom nyngkong ia u mot jong u Tirot sing, but sa u mot jong u Subash Chandra Boss, ha state Central Library bad ia u mot jong u kpa ka jaidbynriew, u Mahatma Gandhi u ba don ha khmat jong ka Secretariat bad kila iaid sawdong jong kane ka nongbah Shillong bad pynkut ha ophis jong ka seng kaba dang tei mynta.
Ha ka jingkren jong u Bah Shibun Lyngdoh President jong ka seng u la ong ba kum ka seng ka kwah ban kynmaw burom ia baroh ki nongialeh laitluid jong ka Ri ha kane ka sngi khraw bad u kyntu ba kane ka mynsiem ka dei ban don ha baroh kumno ban trei na ka bynta Ri. Ha kane ka sngi la don lang ruh la jan baroh ki nongkit jong ka seng BJP state Unit.
