Shillong, Jylliew 2: Mynta ka sngi ka KSU War Jaintia kala leit ban ai da ka kali Maruti ba ka Jarain PHC kan pyndon ka
m namar ha kane ka jaka sumar jong ka sorkar kam don ia ka Ambulance, kumta ka seng kala leit ban ai ban pyndon kam na ka bynta kiba pang ba shitom.
Haba kren ha u SP News Agency u bah Laiphar Syngkrem President jong ka KSU War Jaintia la ong ba kum ka seng kala leit ban ia kren bad u myntri ka tnad ka koit ka khiah, u Director ka tnad ka koit ka khiah ban pan Ambulnace hynrei long lehnoh ei kane ka jingleit pan jong ki.
La iathuh ba kane ka jingleit ban pan Ambulance na ka sorkar, kala long ar sien na u myntri ka tnad ka koit ka khiah, ar sien na u DHS bad kane ka jingpang kam dei kaba shisngi lane ar sngi hynrei kala dei kaba la slem bha hynrei kim lah ban pynbiang, ban iarap ia ki paidbah mynta ka sngi ka KSU kala leit ban aipah da ka Maruti ba ka Umjarain PHC kan pyndon kam.
La iathuh ba sha war Jaintian ki don saw tylli ki jaka surmar jong ka sorkar, kawei ka Pdengshakap PHC, Dawaki PHC, kine ki don ka Ambulance, katba ka Jarain PHC bad ka Nongtalang CHC kim don Ambulance bad ka jaka pdeng ia ki paidbah ka thain ka dei ka Jarain CHC, la ong u samla Laitphar.
U tei u nongialam ka KSU War Jaintia u la ong ba ha kum kane ka por ki kali jongki riew shimet kim juh treh ban kit ia kiba pang ba shitom namar kane ka khlam COVID-19, kane kala buh jingeh kaba khraw ia ki briew kiba don sawdong ka Jarian PHC kumta ka seng kam ban se ban leit leit aipah sha ka PHC ba kin pyndon kam. Ka seng kala pynbiang ruh ia u nongniah ia kane ka kali.
