Shillong, Iaiong 10: U MLA jong ka 17North Shillong constituency u bah Adelbert Nongrum mynta ka sngi ka 10 tarik u Iaiong 2024 u la leit ban buh da ka ejahar halor ka jingshah pynduh ia ka hok Thepkam jong ki samla ka Jylla lynba ka police recruitment advertisement ia kane ka ejahar na ka liang u bah Adelbert Nongrum ula leit ban buh hapoh ka Sardar Policestation ha khmat u OC u Kamal Thapa.
Ha ba ioh ban ia kren bad ki ladpathai khubor na ka liang u bah Adelbert Nongrum u la ong ba kat kum ka advertisement ka ba la mih ha ka 6 tarik u Lber 2024 ka la ia tyngkhuh bad ka Office of Memorandum ka ba la mih ha ka 3 tarik u Rymphang 2023 ka kren shai ba ia ka snem thung kam thung jam la rah na ka 32 sha ka 37 ka kyrta ha ka ba ka la ai ia ka jingpynjynsur da 5snem ha baroh ki kam ba lait ha poh ka Jylla.
U la ong ruh ba kane ka Advertisement ka ba la pynmih da ka tnad pulit ka long ka ba beain ha ka ba u la ong buh ka jing kylli ba na kano ka provision of law ba kin lah ban pynrit ia ka kyrta thep kam jong ki khunsamla ki ba dei hok ban ioh ia ka kam Pulit jong ki ha pdeng kum kane ka por ba ki samla ka Jylla ki madia ka jingkyrduh kam.
U bah Nongrum u la ong ruh ba bun na ki samla mynta ki la shlur ban apply ia ki kam pulit namar ba ka por kaladawa. U la ong ruh ba u kwah ban pynshai ia ka jingkynthoh ba la ai da u Deputy CM u bah Prestone Tynsong u ba ong ba u bah Adelbert u khlem pule bha ia ka OM ha ka ba u kwah ban pynshai ba na ka liang u Deputy CM u la ialam bakla ia ki samla jong ka Jylla.
U bah Nongrum u la ong ruh ba ki nongialam jong ka Jylla ki la bunkamha ka ban pynkhlain ia sur jongka Politic bad ki la pyntlot noh ia ka surjong ka Policy, u la kubur ruh ba ia kine ki kam ba ki pylait la ioh ban pass lyngba ka Cabinet hynrei kimshym la pynmih pat dakwei ka OM.
U la ong ruh ba ha kine ki khyndiat sngi ula ioh ban ia kren bad u secretary jong ka Home Department ha ka ba na ka liang jong u, ula kular ban don ka jingiakynduh hynrei kane kam shym la lah ban long.
U la ong ruh ba ha kine ki sngi ki samla ka Jylla ki la madiaka jingeh ha ka ban apply ia kane ka kam pulit ha ka ba na duh ba la pynlait ha ka 8tarik u Iaiong 2024 ka la don ka jing error ha kane ka side ba ki samla ki thmu ban apply.
U bah Nongrum ruh u la buh ka jingkyntu ia ka Police department ba kadei ban leh eiei halor kane ka bynta bad lada na ka liang ka Police department kam lah ban leh eiei na ka liang u bah Nongrum un sa shim da kawei pat ki latki lynti.
