Shillong, Rymphang 27: U bah Sanbor Shulai u ba dei u MLA ka South Shillong constituency ha ryngkat bad ki nongkyrshan jong u mynta ka sngi ki la leit ban ia Kynduh ia u President ba rangbah ka seng BJP ban ia kren halor ka jingwan ban ai ka jingkyrshan ba pura ia ka Dr Fenela Lyngdoh Nonglait ba kan long kum ka kyrtong MP jong ka party na poh ka Shillong Parliamentary seat.
Haba ia dei bad kane na ka liang u bah Sambor Shulai u la ioh ban ai da ka jingthoh ha khmat u bah Rikman G. Momin u ba dei u President ba rangbah jong ka BJP hapoh ka jylla Meghalaya
U bah Sambor u la pynpaw ba hakne ka jingwan ban ia kynduh jong u bad u nongialam ka party ka long tangkum ban shu leit ban pynsngew sha u halor kane ka mat.
U la ong ruh ba ki la don ki kato katne ngut ki ba la pan ia ka ticket na ka bynta kane ka election MP na Shillong seat kaba kynthup ia u President ba rim jong ka party u bah Earnest Mawrie u ba la wan ban buh ia ka application kat ba u bah AL Hek u ba la ioh I tang ha ki kotkhubor.
Ha ba ai jingkren sha ki lad pathai khubor u bha Shulai u la ong ba na ka liang jong u bad ki nong kyrshan jong ka party na Shillong south ki da kwah eh ba na ka liang ka party kan ai ticket Ia ka Dr Fenella L Nonglait namar ba ka la long kum ka dkhot jong ka party la kham slem.
U la ong ruh ba wat la ki la don ki kato katne ki ba la pan ticket na kane ka party hynrei na ka liang jong u, u kwah ba ka party kan ia tylli lang kawei ban ai ka jingkyrshan ban pynioh ticket ia I Dr Fenella.
U bah Shulai u la ong ruh ba I Dr Fenella mynta la shi snem ka la leit ban pyn I thuh ia lade sha ki paidbah kylleng kylleng ka Khasi Hill. U la ong ruh ba na ka liang ka BJP ka long kaba donbok shibun ban ioh ia ka kum ka candidate na ka party haka ba kala don ia ka jingtbit ha ki kam Ain bad ha ka sain Himasima.
La ong ba ka Dr. Fenella kala long ka nonghikai ha poh ki College bad ka la ioh ruh ia ka Gold medal ha poh ka Law na Delhi bad ka la ia don bynta ruh bad ki kam ha ka imlang ka sahlang.
U bah Shulai u la ong ruh ba na ka liang ka BJP napoh Delhi ha poh ka jingialam jong u Narendra Modi ka da khmieh kyrpang na ka bynta ki Kynthei ha ka ba u la pynkynmaw ruh ba ki don shibun ki kynthei ha poh ka Ri India ki ba la ioh ka lad ban mih shakhmat ha ka kam synshar khadar.
U bah Shulai ha ba kynthoh ia ka jingtrei kam jong u MP ba mynta u bah Vincent Pala u la ong ba jinlada ki paidbah ki la ai lad ia u ban long kum u MP na Shillong seat shibun ki kam pynroi un wanrah u la ong ruh ban un wanrah da ka dud bad ka ngap ha poh ka Ri Khasi bad Jaintia.
U la ong ba u bah Pala mynta u leit sha poh ka parliament tang ban shong ktha soh ot khlem da lah ban wan rah ia ki kam pynroi bad khamtam ia ki jingdawa ba ki sengbhalang bad ki paibah ka jylla ki la mih ban dawa la bun bun snem.
